MATEUS 10:15 - Ombibeli Iyapuki

¹⁵ Oshili handi mu lombwele: edu laSodom nolaGomorra otali kala lixwepo, li dule oshilando osho efiku letokolo.

MATEUS 10:15 Referans Kwoze

2 PETRUS 2:6

Noilando inya Sodom naGomorra okwe i xwika po nokwe i tokolela enyonauko nokwe i ninga edidiliko lokulondwela ovalunde tave va shikula komesho.

1 JOHANNES 4:17

Osho ngaha ohole ya wanifilwa mufye opo tu kale tu neyombamo mefiku letokolo; osheshi ngaashi Oye e li, nafye yo osho tu li mounyuni ou.

2 PETRUS 3:7

Ndelenee eulu lopaife nedu eli ola tuvikililwa omundilo okeendjovo tuu odo fiyo okefiku letokolo nolekano lovanhu vehe na Kalunga.

2 PETRUS 2:9

Osho ngaha Omwene e shii okuxupifa ovayuki momahongaulo nokukwatelela ovalunde va ka handukilwe efiku letokolo,

MARKUS 6:11

Ndele oko itamu tambulwa ko, nye itamu pwilikinwa, djeni ko nye mu pupule ondwi koshi yeemhadi deni, i ninge ondobwedi kuvo.”

MATEUS 12:36

Ndelenee ohandi mu lombwele: Okeshe tuu ondjovo yongaho, ovanhu tava tumbula, ovo ve na oku i pulwa efiku letokolo.

MATEUS 5:18

Osheshi oshili handi mu lombwele: fiyo eulu nedu tali xulu po, momhango itamu di nande okandada kamwe ile oshinghwanyu shimwe fiyo aishe ya wanifwa.

MATEUS 7:22

Efiku olo vahapu otava ti kwaame: ‘Omwene, Omwene, hafye tuu ovo twa xunganekele medina loye notwa ta mo eendemoni medina loye notwa longa oilonga ihapu yeenghono medina loye?’

JOHANNES 6:39

Nehalo laTate ou a tuma nge oleli, ndiha kanife po nande umwe mwaava a pa nge, ndelenee ndi va nyumune efiku laxuuninwa.

JOHANNES 6:40

Osheshi ehalo laTate oleli: Keshe tuu ou ta mono Omona ndele te mu itavele, oye e nomwenyo waalushe; ndele Ame handi mu nyumuna efiku laxuuninwa.”

JOHANNES 12:48

Ou ta dini nge ndele ita tambula eendjovo dange, oye oku na omutokoli waye: eendjovo edi nda popya, odo tadi mu tokola efiku laxuuninwa.

OILONGA YOVAYAPOSTOLI 17:31

osheshi Ye e tu yukifila efiku lokutokola ounyuni, eshi te u tokolifa ouyuki komulumenhu tuu oo, Ye mwene okwe mu hoolola nokwe mu didilikila aveshe eshi e mu nyumuna koufi.”

1 OVAKORINTO 3:13

oshilonga shakeshe otashi ka holoka, osheshi efiku linya otali ke shi holola, eshi tali holoka momundilo, nomundilo otau yeleke oshilonga shakeshe umwe nhumbi sha tya.

1 OVATESSALONIKI 5:4

Ndelenee nye ovamwatate, kamu li momulaulu, efiku olo lihe mu hange ngeno ngaashi omulunga;

OVAHEBERI 10:25

Tuha efe eongalo letu vene, ngaashi vamwe ve li po hava ningi, ndelenee tu kumaidafaneni, unene eshi tamu mono efiku olo tali ehene popepi.

JUDAS 1:6

Novaengeli venya, ava va li inava diinina oulenga wavo, ndele va fiya po omitumba davo vene, okwe va idilila nomulaulu, omomapando alushe, va diininwe ngaha fiyo okefiku olo linene letokolo.

JUDAS 1:7

Ngaashi Sodom naGomorra nomikunda domoushiinda wayo, eshi va li moluhaelo panghedi yavo nova puka nokushikula ouhalu wombelela, paenghedi dihe fi dopaushitwe, ova ninga edidiliko eshi va hepekwa nehepeko lomundilo waalushe.