MATEUS 10:1 - Ombibeli Iyapuki

¹ Ndele opo Ye okwa ifana ovalongwa vaye omulongo navavali, ndele okwe va pa epangelo lokutaataa mo eemhepo da nyata nolokuvelula oudu aushe noungone keshe,

MATEUS 10:1 Referans Kwoze

LUKAS 10:19

Taleni, onde mu pa eenghono okulyata omayoka neendje nokupangela eenghono adishe domutondi, na kape na eshi tashi mu etele oshiponga.

LUKAS 24:49

Ndele taleni, Ame ohandi ke mu tumina osho sha udanekwa kuTate, ndele nye omu nokukala moshilando eshi fiyo tamu djalekwa eenghono dokeulu.”

OILONGA YOVAYAPOSTOLI 1:8

ndelenee nye otamu pewa eenghono, Omhepo Iyapuki ngeenge tai uya munye, ndele tamu ka ninga eendobwedi dange muJerusalem nomuJudea ashishe nomuSamaria nofiyo okominghulo dounyuni.”

JOHANNES 3:27

Johannes okwe va nyamukula ta ti: “Omunhu ita dulu okulikufila sha, ngeenge ite shi pewa tashi di meulu.

LUKAS 6:13

Ndele eshi kwa sha, okwa ifana ovalongwa vaye ndele okwa hoolola mo omulongo navavali, ndele okwe va luka ovayapostoli:

LUKAS 21:15

Osheshi Ame ohandi mu pe okanya nomaunongo taa nyenge ovakondjifi veni aveshe oku mu nyamukula ile oku mu twifa eemhata.

OILONGA YOVAYAPOSTOLI 19:15

ndele omhepo ii oye va nyamukula tai ti: “Jesus ondi mu shii, naPaulus ondi mu wete, ndele onye oolyelye?”

JOHANNES 17:2

ngaashi Ove we mu pa epangelo lombelela aishe, opo aveshe ava we mu pa, Ye e va pe omwenyo waalushe.

JOHANNES 6:70

Jesus okwe va nyamukula: “Haame nde mu hoolola, nye omulongo navavali? Ndelenee umwe womunye omudiaboli.”

JOHANNES 3:35

Xe e hole Omona, ndele okwa yandja aishe meke laye.

EHOLOLO 12:1

Ndele meulu omwa monika edidiliko linene. Omukainhu ou a djalekwa etango, nohani ya kala koshi yeemhadi daye, nokomutwe waye oshishani sheenyofi omulongo nambali.

MATEUS 26:47

Ndele tala, fimbo ta popi, Judas, umwe waava omulongo navavali, okwe uya, ta ende pamwe nongudu inene i nomaongamukonda needibo, va dja kovapristeli ovakulunhu nokovakulunhu voshiwana.

MATEUS 26:20

Ndele onguloshi eshi ye uya, okwa kala omutumba poshililo pamwe novalongwa vaye omulongo navavali.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

MATEUS 6:13

ndele ino tu twala momayeleko, ndelenee tu xupifa mowii.’

MATEUS 4:23

Ndele Ye okwa endaenda muGalilea ashishe, ndele ta longo meeshinagoga davo, ndele ta udifa evaengeli lOuhamba, ndele ta velula oudu keshe noungone aushe movanhu.

MATEUS 9:35

Ndele Jesus okwa li ta endaenda noilando aishe nomikunda, ndele ta longo meeshinagoga davo, ndele ta udifa evaengeli lOuhamba, ndele ta velula ovanaudu vavo, nakeshe tuu oshiponga.

MATEUS 9:38

Ilikaneni hano Omwene weteyo, a tume ovatei keteyo laye.”