MATEUS 1:21 - Ombibeli Iyapuki

²¹ Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

MATEUS 1:21 Referans Kwoze

OILONGA YOVAYAPOSTOLI 13:23

Omoludalo laau, Kalunga okwa pendulila Israel Omukulili Jesus, ngaashi e shi udaneka,

OILONGA YOVAYAPOSTOLI 4:12

Ndele kaku na mukwao, exupifo la kala muye, osheshi kaku nedina limwe li lili koshi yeulu, la yandjelwa ovanhu omo tu nokuxupifilwa mo.”

JOHANNES 1:29

Efiku la shikula eli ye ota mono Jesus te uya kuye, ndele ta ti: “Tala, Odjona yaKalunga tai kufa po omatimba ounyuni.

1 JOHANNES 3:5

Ndele nye omu shi shii, Oye a holoka a kufe po omatimba; nomuye kamu na oulunde.

LUKAS 2:21

Ndele eshi pa pita omafiku ahetatu, okaana ka pita etanda nedina lako ola lukwa Jesus, olo tuu olo ke li lukwa komweengeli fimbo inaka holoka medimo laina.

OILONGA YOVAYAPOSTOLI 5:31

Oye ou Kalunga e mu nenepekifa neke laye lokolulyo, a ninga Omwene, e mu lenge mouyehame Omukulili okupa Ovaisraeli elidilululo nedimepo lomanyonauno.

LUKAS 1:31

Ndele tala, ove to ningi omufimba ndele to dala okamati, ndele to ka luka edina lako Jesus.

TITUS 2:14

Oye ou e liyandja ponhele yetu e tu kulile mo mowii aushe Ye e liyelifile oshiwana shaye mwene, osho hashi diinine shili oilonga iwa.

LUKAS 2:11

Onena tuu eli mwa dalelwa Omukulili moshilando shaDavid, Oye tuu ou Kristus Omwene.

1 JOHANNES 1:7

Ndele ngeenge hatu ende mouyelele ngaashi ye ha kala mouyelele, opo tu nekwatafano mokati ketu, nohonde yOmona waye, Jesus Kristus, otai tu kosho omatimba aeshe.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

OILONGA YOVAYAPOSTOLI 3:26

Onye ava Kalunga e mu nyumunina tete Omona Jesus nokwe mu tuma oku mu nangeka noupuna, ngeenge mwe lidilulula keshe umwe kowii waye.”

EHOLOLO 7:14

Ame onda tya kuye: “Omwene wange, Ove ou shi shii.” Ndele Ye okwa lombwela nge: “Ava ovava va dile momahepeko manene, ndele va kosha oikutu yavo, ndele ve i yelifa mohonde yOdjona.

OVAHEBERI 7:25

Onghee hano ota dulu yo okuxupifa shili ava tava ehene kuKalunga mokweendela muye, shaashi oku nomwenyo alushe, e va ilikanene.

DANIEL 9:24

Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa.

JEREMIA 23:6

Momafiku aye Juda ota ka xupifwa naIsrael ota ka kala ehe nombudi, nedina laye tali ifanwa, olo eli: ‘Omwene ouyuki wetu.’

GENESIS 18:10

Ndele Ye ta ti: “Ame ohandi ke uya vali kwoove moudwaali, nohandi ka hanga Sara, omwalikadi woye, e na okaana okamati.” Ndele Sara okwa li ta pwilikine poshivelo shetwali konima yaye.

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

JEREMIA 33:16

Pomafiku enya Juda ota kulilwa naJerusalem tashi kala shihe nombudi, nedina lasho otali lukwa: “Omwene oye ouyuki wetu.”

GENESIS 17:19

Opo nee Kalunga okwa nyamukula ta ti: “Oshili, omwalikadi woye, Sara, ote ke ku dalela okaana okamati, ndele ou na oku ka luka Isak. Ndele Ame ohandi ka ninga ehangano nako, ehangano laalushe noludalo tali ka shikula.

GENESIS 17:21

Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.”

OVATOKOLIPANGELI 13:3

Ndelenee omweengeli wOmwene okwe lihololela omwalikadi ndele ta ti kuye: “Tala, oove ongadji, ndele wa li uhe nounona, ndelenee ove oto ka ninga oufimba ndele to ka dala okaana okamati.

1 SAMUEL 1:20

Ndele eshi pa pita omudo umwe, Hanna ou a li omufimba, okwa dala okaana okamati nokwe ka luka Samuel, osheshi ye ta ti: “Ame nde ka indila kOmwene.”

MATEUS 1:25

Ndele ye ine mu kuma fiyo a dala okamati. Ndele okwe ka luka Jesus.

JOHANNES 4:42

ova tya komukainhu: “Paife inatu itavela vali omolweendjovo doye, osheshi ofye vene twa uda ndele tu shi shii, Oye shili Omukulili wounyuni.”