MATEUS 1:16 - Ombibeli Iyapuki

¹⁶ Ndele Jakob okwa dala Josef, omulumenhu waMaria, Maria okwa dala Jesus, ou ha ifanwa Kristus.

MATEUS 1:16 Referans Kwoze

MATEUS 27:17

Hano eshi va ongala, Pilatus okwa tya kuvo: “Elipipo mwa hala, ndi mu mu mangululile, Barabas ile Jesus, haku tiwa Kristus?”

JOHANNES 4:25

Omukainhu ta ti kuye: “Ondi shi shii, Messias, ou ta ifanwa Kristus, ote ke uya. Oye ngeenge te uya, ote tu hololele aishe.”

LUKAS 3:23

Ndele Jesus eshi a hovela oshilonga shaye, omido daye oda li di fike pomilongo itatu; okwa li, ngaashi kwa tengenekwa, omona waJosef owaEeli,

MATEUS 27:22

Pilatus ta ti kuvo: “Jesus ou, haku tiwa Kristus, ohandi mu ningi ngahelipi?” Ovo aveshe ova tya: “Na valelwe komushiyakano!”

LUKAS 4:22

Ndele aveshe ove mu hepaulula nawa, ndele va kuminwa eendjovo odo donghenda da dja mokanya kaye ndele tava ti: “Ou ke fi omona waJosef?”

LUKAS 2:48

Ndele eshi ve ka mona ngaha ova haluka, ina okwe ka lombwela: “Omumwange, oshike we tu ningila ngaha? Tala, fye naxo twe ku konga nokuyehama.”

LUKAS 2:7

Ndele ye okwe livelipa oshiveli shaye okamati ndele okwe ka tonyena momalapi, ndele okwe ka nangeka mepeta lokulila oimuna, osheshi inava mona onhele mongulu yovaenda.

LUKAS 1:27

okokakadona ka putulwa komulumenhu edina laye Josef, womepata laDavid, nedina lokakadona oMaria.

MARKUS 6:3

Ke fi omuhongi womiti winya, omona waMaria nomumwaina waJakob naJoses naJudas naSimon? Novamwaina ovakainhu havo ovo ve li mokati ketu?” Ndele vo ove mu yala.

MATEUS 2:13

Ndele eshi va ya, tala, omweengeli wOmwene okwa holokela Josef mondjodi ndele ta ti: “Fikama, kufa okaana naina u ye onhapo kuEgipiti, u kale kwinya fiyo ohandi ku lombwele; osheshi Herodes e li po ta diladila okukonga okaana e ka dipae.”

MATEUS 1:15

Ndele Eliud okwa dala Eliaser, Eliaser okwa dala Mattan, Mattan okwa dala Jakob.

MATEUS 16:16

Ndele Simon Petrus okwa nyamukula ndele ta ti: “Oove Kristus, Omona waKalunga omunamwenyo.”

MATEUS 16:20

Opo nee okwa kelela ovalongwa vaye vehe shi tonge nande okomunhu nokutya, Oye Kristus.