MATEUS 1:1 - Ombibeli Iyapuki

¹ Omushangwa weshikulafano lepata laJesus Kristus, omona waDavid, omona waAbraham.

MATEUS 1:1 Referans Kwoze

GENESIS 22:18

Noiwana aishe kombada yedu otai ka nangekwa noupuna molwoludalo loye, osheshi ove wa uda ondaka yange.’ ”

OVAGALATI 3:16

Ndele Abraham okwa pewa omaudaneko, ye mwene noludalo laye, inapa tiwa, nomaludalo, ngaashi mahapu, ndelenee ngaashi umwe: noludalo loye, olo Kristus.

OVAROMA 1:3

okuhepaulula Omona ou a dalwa moludalo laDavid kombinga yombelela,

EHOLOLO 22:16

“Ame, Jesus, onda tuma omweengeli wange e mu hepaululile oinima ei momaongalo. Aame oshitutuma shomoludalo laDavid, onyofi yongula tai vilima.”

OMAPSALOME 132:11

Omwene okwa anena David eano lashili, ite li lundulula, a tya: “Umwe womoludalo loye, onda hala oku mu paka omutumba kolukalwapangelo loye.

JEREMIA 23:5

“Taleni, omafiku otae uya, Omwene ta ti, Ame ohandi ka tutumifila David oshitutumine shouyuki, ndele ye ota ka kala ohamba ndele ta ka pangela nounongo, ndele ta diinine osho sha yuka ndele ta wanifa ouyuki moshilongo.

JESAJA 11:1

Ndelenee oshitutumine otashi tutuma moshifidi shaIsai, noshitai omomudi waye, ndele tashi imi oiimati;

JOHANNES 7:42

Omushangwa itau ti: Kristus ota di moludalo laDavid nomoshilando shaBetlehem, oku kwa li David?”

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

OILONGA YOVAYAPOSTOLI 2:30

Ndele oye eshi a li omuxunganeki, okwa li e shi shii Kalunga e mu anenene eano nokutya, umwe womoludalo laye e nokukala omutumba kolukalwa laye louhamba.

MATEUS 1:18

Okudalwa kwaJesus Kristus okwa li ngaha. Maria, ina, eshi a putulwa kuJosef, okwa dimbulukiwa oye omufimba wOmhepo Iyapuki fimbo inava ya pamwe.

JESAJA 53:8

Ye okwa kufwa mefininiko nometokolo, ndele olyelye womepupi laye e shi diladila? Oye a tetwa mo medu lovanamwenyo; molwomanyonauno oshiwana shange, ehandu ole mu hanga.

OVAROMA 9:5

ooxekulu, omuvo mwa dja Kristus pambelela, Oye ou e li kombada yaaveshe, Kalunga, Omufimanekwa alushe fiyo alushe! Amen!

OVAROMA 4:13

Osheshi eudaneko olo nokutya, Abraham e nokufyuulula ounyuni, inali uya kuye ile koludalo laye komhango, ndelenee omolwouyuki womeitavelo.

MATEUS 15:22

Ndele tala, okwa dja omukainhu Omukaanan okoshikandjo tuu osho, a popya mokule ta ti: “Omwene, Omona waDavid, file nge onghenda! Omumwange okakadona ota hepekwa nai kondemoni.”

MATEUS 9:27

Ndelenee Jesus eshi a dja ko, ovapofi vavali ove mu shikula, ova ingida ndele tava ti: “Omona waDavid, tu fila onghenda!”

JEREMIA 33:26

ngeno osho ohandi ka ekelashi yo oludalo laJakob nolaDavid, omupiya wange, ndiha hoolole mo moludalo laye ohamba, tai kala nokupangela oludalo laAbraham nolaIsak nolaJakob. Osheshi osho she va hanga ohandi ke shi lundulula nohandi va file onghenda.

GENESIS 2:4

Eshi omahepu taa hepaulula eulu nedu eshi la shitwa. Mefiku olo Omwene Kalunga a ninga eulu nedu,

MATEUS 3:16

Ndele Jesus eshi a shashwa okwa dja momeva diva, ndele tala, eulu la yeuluka, ndele a mona Omhepo yaKalunga ya fonghuti ya kuluka ndele tai uya kombada yaye.

SAKARIA 12:8

Mefiku tuu olo Omwene ota ka amena oonakukalamo muJerusalem. Nomupunduki mokati kavo ta ka kala mefiku tuu olo ngaashi David, neumbo laDavid tali ka kala ngaashi omukwaulu, ngaashi omweengeli wOmwene komesho yavo.

AMOS 9:11

Mefiku tuu olo ohandi ka dikulula onduda ya nyonauka yaDavid. Ame ohandi ka fitika po omifya dayo nokutungulula omakulukuma ayo, ndele handi ke i tungulula i kale ngaashi ya li mefimbo lonale.

GENESIS 5:1

Efina lepata laAdam oleli: Mefiku tuu olo Kalunga a shita omunhu, Ye okwe mu ninga oshifefa shaye.

OMAPSALOME 89:36

Oludalo laye nali kale po alushe, nolukalwapangelo laye li faafane netango koshipala shange;

OMAPSALOME 89:3

Ame nda dika ehangano nomuhoololwa wange, omupiya wange David, nde mu anenene:

MATEUS 1:2

Abraham okwa dala Isak, Isak okwa dala Jakob, Jakob okwa dala Juda novamwaxe.

LUKAS 1:33

ndele Ye ota ningi ohamba yeumbo laJakob fiyo alushe, nouhamba waye kau na apa tau xulu po.”

1 TIMOTEUS 2:5

Osheshi Kalunga Oye umwe nopokati kaKalunga novanhu oumwe, omunhu Kristus Jesus,

2 TIMOTEUS 2:8

Dimbulukwa, Jesus Kristus, ou a nyumunwa movafi, Oye a dja mepata laDavid pavaengeli lange,