LUKAS 9:51 - Ombibeli Iyapuki

⁵¹ Ndelenee opa ningwa, omafiku okuyelulwa kwaye kombada eshi a li pokufika, Ye okwa tokola shili okuyuka kuJerusalem,

LUKAS 9:51 Referans Kwoze

MARKUS 16:19

Hano Omwene Jesus eshi a tonga kuvo, okwa tambulwa meulu. Ndele okwa kala omutumba kolulyo laKalunga.

LUKAS 18:31

Ndelenee Ye okwa kufa ko ovo omulongo navavali ndele okwe va lombwela: “Tala, ohatu yeni kuJerusalem, oko aishe ya shangwa kovaxunganeki tai hepaulula Omona wOmunhu, otai ka wanifwa.

LUKAS 13:22

Ndele Ye okwa endaenda koshilando noshilando, komukunda nomukunda, a longa ovanhu nokwa ya kuJerusalem.

LUKAS 17:11

Ndelenee pa ningwa, Ye eshi a li mondjila ta i kuJerusalem, okwa enda nongaba yaSamaria naGalilea.

1 PETRUS 3:22

Oye ou ya meulu nokwa kala kolulyo laKalunga, nokwa pewa koshi yaye ovaengeli nomapangelo neenghono e di pangele.

OVAHEBERI 12:2

omesho a taalela Jesus, omuhoveli nomuwanifi weitavelo, ou kwa li a hepekelwa momushiyakano omolwehafo e li tulikilwa, nokwa li ehe na ko nasha nomasheko, Oye a kala omutumba kolulyo lolukalwapangelo laKalunga.

OVAHEBERI 6:20

omo mwa yaJesus, omulotoki wokomesho ponhele yetu, eshi a ninga omupristeli omukulunhu panghedi yaMelkisedek fiyo alushe.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

OVAEFESO 1:20

odo e di holola muKristus, eshi e mu nyumuna movafi ndele e mu tula omutumba kolulyo laye momaulu,

OILONGA YOVAYAPOSTOLI 1:9

Opo nee eshi a tonga eendjovo edi, okwa yelulwa pombada moipafi yavo, noshilemo she mu kufa po momesho avo.

OILONGA YOVAYAPOSTOLI 1:2

fiyo okefiku olo a twalwa meulu, eshi a pa tete ovayapostoli, ava e va hoolola, oipango yaye mOmhepo Iyapuki;

JOHANNES 17:11

Ndele Ame nghi li vali mounyuni ou, ndelenee vo omo ve li mounyuni ou, naame handi uya kwoove. Tate omuyapuki, va diininina medina loye, eli wa pa nge, va kale umwe, ngaashi tu li naave.

JOHANNES 16:28

Ame onda dile kuTate, ndele onde uya mounyuni. Ounyuni ohandi u fii po vali, ndele handi i kuTate.”

JOHANNES 16:5

Ndele paife ohandi i kwaau a tuma nge, ndele kape na ou womunye ta pula nge: Oto i peni?

JOHANNES 13:1

Ndelenee oshivilo shaPaasa eshi sha fika, Jesus eshi kwa li e wete efimbo laye lokudja mounyuni ou nokuya kuXe ole uya, hano Oye ngaashi a kala e hole ava vaye va li mounyuni, okwa li e va hole fiyo exulilo.

JOHANNES 6:62

Ongahelipi hano, ngeenge tamu mono Omona wOmunhu ta londo ta i apa a kala shito?

LUKAS 24:51

Ndele fimbo te va nangeke noupuna, Ye okwa tukuka navo ndele okwa yelulilwa meulu.

LUKAS 19:28

Ndele Ye eshi a dimbuka okupopya odo, okwa twikila ondjila yaye a yuka kuJerusalem.

LUKAS 19:11

Ndele vo eshi va pwilikina odo okwa weda ko efaneko, osheshi a li popepi naJerusalem naashi vo va li ve shii ouhamba waKalunga otau holoka diva

LUKAS 12:50

Ndelenee Ame ondi nokushashwa neshasho, ndele onda fininikwa ngahelipi fiyo la wanifwa.

2 EEHAMBA 2:11

Vo eshi tava ende nokukundafana, tala, divadiva etemba lomundilo neenghambe domundilo da holoka, ndele de va tukaula kumwe. Ndele Elia okwa ya keulu momhepo inene.

OVAFILIPPI 3:14

ohandi lotokele kefikilo, okondjabi yefindano Kalunga e i ifanena nge neifano lopombada muKristus Jesus.

LUKAS 9:57

Ndelenee eshi va ehena komesho, umwe okwa tya kuye: “Ame onda hala oku ku shikula keshe apa to i.”