LUKAS 9:5 - Ombibeli Iyapuki

⁵ Ndele ngeenge pe na apa itamu tambulwa, djeni ko koshilando oko nye mu lipupule ondwi keemhadi deni, shi ninge ondobwedi kuvo.”

LUKAS 9:5 Referans Kwoze

OILONGA YOVAYAPOSTOLI 18:6

Ndelenee vo eshi ve di anya nove va sheka, okwa pupula oikutu yaye, ndele te va lombwele: “Ohonde yeni nai uye kombada yomitwe deni! Ame nghi nambedi. Paife eshi handi i kovapaani.”

OILONGA YOVAYAPOSTOLI 13:51

Opo nee ove va pupulile ondwi yokeemhadi davo nova ya kuIkonium.

MARKUS 6:11

Ndele oko itamu tambulwa ko, nye itamu pwilikinwa, djeni ko nye mu pupule ondwi koshi yeemhadi deni, i ninge ondobwedi kuvo.”

LUKAS 10:16

“Ou te mu udu, ota udu nge, naau te mu dini, ota dini nge, naau ta dini nge, ye ota dini ou a tuma nge.”

LUKAS 9:48

ndele ta ti kuvo: “Ou ta tambula okaana aka medina lange, aame ta tambula, naau ta tambula nge, oye ta tambula ou a tuma nge, osheshi ou munini womunye amushe, oye omunene.”

NEHEMIA 5:13

Ndele nda tukumuna yo oshikutu shange ndele handi ti: “Kalunga na tukumune omulumenhu keshe ou ita wanifa ondjovo tuu ei, meumbo laye nomwaashi e shi kwete. Ndele na tukumunwe ngaha a kale ehe na sha!” Opo nee oshiongalele ashishe tashi ti: “Amen!” Ndele va hambelela Omwene, novanhu va ninga pandjovo ei.

MARKUS 9:37

“Ou ta tambula okaana kamwe ngaashi aka medina lange, haame ta tambula, ndelenee Oye ou a tuma nge.”

LUKAS 5:14

Ye okwe mu kumaida ehe shi hepaululile nande omunhu, ndele a tya: “Inda u ke liulikile omupristeli, ove u ka yandjele eveluko loye eyambo, ngaashi Moses a tile, opo li ninge ondobwedi kuvo.”

MATEUS 10:18

ndele tamu twalwa komalenga nokeehamba omolwange, shi va ningile ondobwedi, moipafi yavo noyovapaani.

LUKAS 9:4

Ndele ngeenge tamu i meumbo, kaleni omo fiyo tamu ehene komesho.