LUKAS 9:33 - Ombibeli Iyapuki

³³ Ndelenee petukauko lavo naye Petrus okwa tya kuJesus: “Omuhongi, apa ope tu wapalela okukala, natu dikeni po omatwali atatu, limwe oloye, limwe olaMoses nalimwe olaElia.” Ndele okwa li ehe shii eshi ta popi.

LUKAS 9:33 Referans Kwoze

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

JOHANNES 14:8

Filippus ta ti kuye: “Omwene, tu ulikila Xo, opo nee fye twa wana.”

LUKAS 5:5

Ndele Simon okwe mu nyamukula ta ti: “Omuhongi, oufiku aushe twa longa, fye inatu kwata mo sha, ndele oiyulifo ohandi i lukile molweendjovo doye.”

MARKUS 10:38

Ndele Jesus okwa tya kuvo: “Kamu shi shii eshi tamu shi indile. Otamu dulu tuu okunwa eholo linya ndi noku ke li nwa, ile okushashwa neshasho linya ndi noku ke li shashwa?”

MATEUS 17:14

Ndele eshi va fika kongudu yovanhu, omulumenhu umwe okwe uya kuye, a twa eengolo koshipala shaye

OMAPSALOME 73:28

Ndelenee okukala popepi naKalunga, osho elao lange; elineekelo lange onde li tula mOmwene Kalunga, opo ndi hepaulule oinenelonga yoye aishe.

OMAPSALOME 27:4

Shimwe ashike onde shi ehela kOmwene, nde shi hala unene: ngeno ame ndi kale mongulu yOmwene omafiku ange aeshe, okutala ouwanyenye wOmwene, ndi lishipulule nawa motembeli yaye.

MATEUS 17:4

Ndele Petrus okwa hovela okupopya ndele ta ti kuJesus: Omwene, apa opawa nokukala; ngeenge wa hala, ohandi ka dika apa omatwali atatu, limwe oloye, limwe olaMoses nalimwe olaElia.

LUKAS 9:34

Ndelenee fimbo a popya odo oshilemo she uya ndele oshe va tuvikila nomudile washo, ndele vo ova haluka eshi va tuvikilwa koshilemo.

LUKAS 9:49

Ndelenee Johannes okwe mu lombwela ta ti: “Omuhongi, otwa mona umwe ha te mo eendemoni medina loye, fye otwe shi mu shilika, osheshi ye iha ende pamwe nafye.”