LUKAS 9:26 - Ombibeli Iyapuki

²⁶ Osheshi ou ta fi nge ohoni neendjovo dange, Omona wOmunhu ote mu fi ohoni, eshi te uya moshinge shaye noshaXe noshovaengeli vayapuki.

LUKAS 9:26 Referans Kwoze

2 TIMOTEUS 2:12

ngeenge hatu lididimikeni, ohatu ka kaleni nokupangela yo pamwe naye; ndelenee ngeenge ohatu mu likale, Oye ote ke tu likala yo.

OVAROMA 1:16

Osheshi ame ihandi fi ohoni evaengeli, osheshi olo eenghono daKalunga okuxupifa keshe tuu ou ta itavele, tete Omujuda nOmugreka yo.

MARKUS 8:38

Osheshi ou ta fi ohoni molwange nomolweendjovo dange mokati kepupi eli lovanyoni vohombo noloulunde, naye tuu ou nOmona wOmunhu ote ke mu fya ohoni, eshi te uya moshinge shaXe pamwe novaengeli vayapuki.”

EHOLOLO 21:8

Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”

MATEUS 16:27

Osheshi Omona wOmunhu te ke uya pamwe novaengeli vaye omoshinge shaxe, opo nee Oye ta futu keshe ou shi fike poilonga yaye.

MATEUS 25:31

“Ndele Omona wOmunhu eshi te uya moshinge shaye novaengeli vayapuki aveshe pamwe naye, opo nee ota kala omutumba kolukalwapangelo loshinge shaye.

JOHANNES 12:43

Osheshi vo ova li ve hole efimano lovanhu komesho yefimano laKalunga.

EHOLOLO 20:11

Ndele onda mona olukalwapangelo linene litoka nomukalimutumba mulo, Oye ou edu neulu la ya onhapo oshipala shaye, ndele ina monikila vali onhele.

JUDAS 1:14

Naave yo Henok, omutiheyali kokudja kuAdam okwe va xunganeka, a tya: “Tala, Omwene ote uya novayapuki vaye omayovi omilongo,

2 TIMOTEUS 1:12

Olo tuu eli handi hepekelwa ngaha, ndelenee itandi fi ohoni, osheshi ame ondi mu shii ou nde mu lineekela, ndele ondi shi shii shili, Oye oku neenghono dokutuvikilila nge oshipewa shange fiyo okefiku linya.

EHOLOLO 3:5

Ou ta findi, ota djalekwa oikutu itoka, nedina laye itandi li dimi mo membo lomwenyo, ndelenee edina laye ohandi li hepaulula koshipala shaTate nomoipafi yovaengeli vaye.

EHOLOLO 1:7

Tala, Ye ote uya moilemo, nomesho aeshe otae ke mu mona, naava yo ve mu tyuula; nomapata aeshe okombada yedu otaa ka lilaana, eshi tae mu mono. Heeno, Amen.

OVAGALATI 6:14

Ndelenee ame, nashi kale nge kokule, ndi litangele ngeno oshinima shi lili, omushiyakano wOmwene wetu Jesus Kristus oo auke, molwao ounyuni wa valelelwa nge, naame nda valelelwa ounyuni.

MATEUS 26:64

Jesus okwa tya kuye: “Ove we shi tya. Ndele ohandi mu lombwele: onena eli otamu ka mona Omona wOmunhu ta kala omutumba kolulyo lEenghono ndele te uya, ta ende kombada yoilemo yokeulu.”

JESAJA 53:3

Ye okwa li a dinika, okwa li a efiwa kovanhu, omulumenhu womaluhodi nomwiiki wouyehame, heeno, ngaashi umwe molwaye aveshe ova uvika oipala yavo, vehe mu tale; Ye omudinwa ndele Ye otwe mu tala a fa oshinima shongaho.

OVAHEBERI 13:13

Onghee hano tu yeni pondje kuye, twa dja meenhanda, nokuhumbata okushekwa kwaye;

OVAHEBERI 11:26

nokushekwa kwaKristus okwe ku tala oko oupuna u dule omamona omuEgipiti, osheshi e a pilamena a taalela kondjabi.

2 OVAKORINTO 12:10

Molwaasho nda hokwa oungone nomadengo nomahepeko noluhepo nomafininiko omolwaKristus; osheshi ngeenge ondi li oshingone, aame omunaenghono.

DANIEL 7:10

eenghungulukilo domundilo oda tondoka, da dja koshipala shaye, eyovi lwomayovi ove mu longela, nomayovi omulongo lwomayovi omulongo ova kala ofika koshipala shaye. Ovatokoli va kala omutumba, omambo a nyanunwa.

JOHANNES 5:44

Otamu dulu ngahelipi okwiitavela, onye ava hamu tambulafana omafimanekafano, nefimaneko olo tali di kuKalunga aeke, ihamu li kongo.

OILONGA YOVAYAPOSTOLI 10:22

Ndele vo ova tya: “Omunefele Kornelius, omulumenhu omuyuki nomutilikalunga, ou ta fimanekwa koshiwana ashishe shaJuda, okwa lombwelwa komweengeli muyapuki memoniko, e ku ifane u ye keumbo laye, a ude eshi u shi kwete shokupopya.”

1 TIMOTEUS 5:21

Ohandi ku anifa koshipala shaKalunga noshaKristus Jesus noshovaengeli ovahoololwa, ove u diinine oinima ei uhe na etokolo lasha, la tetekela oshinima ndele uha tongole ovanhu.