LUKAS 9:12 - Ombibeli Iyapuki

¹² Opo nee pokuningina kwetango venya omulongo navavali ove uya kuye ndele ove mu lombwela: “Lekela ovanhu va ye momikunda nomomaumbo omoushiinda va ka konge omilele nonghuta, osheshi otu li mombuwa.”

LUKAS 9:12 Referans Kwoze

MATEUS 15:23

Ndelenee Ye ine mu nyamukula nande ondjovo. Ovalongwa vaye ove uya ndele tava indile tava ti: “Mu nyamukula, ote tu weelele monima yetu.”

HOSEA 13:5

Ame nda li ndi ku shii mofuka, medu likukutu.

JOHANNES 6:1

Konima yoinima ei Jesus okwa ya langhele kwinya yefuta laGalilea nokutya, yefuta laTiberias.

MATEUS 15:32

Ndele Jesus okwa ifana ovalongwa vaye ndele ta ti: “Ame ondi uditile ovanhu ava onghenda, osheshi vo ova menekela pwaame omafiku atatu, vo vehe na eshi tava li; ndele Ame inandi hala oku va lekela nondjala, vaha lolokele mondjila.”

HESEKIEL 34:25

Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu.

MATEUS 14:13

Ndele Jesus eshi e shi uda, okwa dja po ta ende mowato, okwa ya koima kwe likalela. Neengudu eshi de shi uda ode mu shikulila ko kolupadi, da dja koilando.

LUKAS 9:11

Ndelenee ovanhu eshi ve shi uda, ove mu shikula ko, Ye okwe va kunda ndele okwe va hepaululila ouhamba waKalunga, ndele okwa velula ava va pumbwa okuvelulwa.

LUKAS 9:13

Ndelenee Ye okwe va lombwela: “Va peni eendja.” Vo ova tya: “Katu na sha shimwe, omingome nhano adike neeshi mbali, ngeenge itatu ka landela ovanhu ava aveshe eendja.”

OVAFILIPPI 1:19

Osheshi ndi shi shii, eshi otashi lundulukile nge exupifo omolwomailikano eni nokekwafo lOmhepo yaJesus Kristus,