LUKAS 8:3 - Ombibeli Iyapuki

³ naJohanna, omukainhu waKuusa, elenga laHerodes, naSusanna navakwao vahapu ava ve va yakula noinima yavo.

LUKAS 8:3 Referans Kwoze

1 TIMOTEUS 5:10

ndele a hepaululwa a longa oilonga iwa ndele a tekula ounona vaye nokuyakula ovaenda, ndele a kosha eemhadi dovayapuki nokwa kwafa ovahepekwa, ndele okwa diinina oshilonga keshe shiwa.

OVAFILIPPI 4:22

Ovayapuki aveshe otave mu kundu, unene ovaneumbo lomukesari.

2 OVAKORINTO 8:9

Osheshi efilonghenda lOmwene weni Jesus Kristus omu li shii Oye nande okwa li oshipuna, a ninga ohepele omolweni, opo mu punapale koluhepo laye.

MATEUS 26:11

Eehepele omu va kwete alushe punye, ndele Ame kamu kwete nge alushe.

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

MATEUS 2:11

Ndele ova ya meumbo ndele tava mono mo okaana naina yako, Maria. Ndele tava tu eengolo nove ke linyongamena, va tuula omamona avo, ndele tave ka pe oshali: oshingoldo noidimba iwa nomirha.

JESAJA 23:18

Ndelenee eliko lasho lomondado, nondjabi yasho yehaelo otai ka yapulilwa Omwene, ndele lo itali ka tuvikilwa, ndele itali ka tulikwa, ndelenee eliko lasho otali ka ninga okulya kwaava nomidjalo da wapala kwaava ve neenhele davo koshipala shOmwene.

1 OMAFIMBO 29:14

“Osheshi aame omushike, noshiwana shange oshishike, tu dule keenghono detu vene okuyandja eeshali da tya ngaha dehalo liwa? Ndelenee ashishe eshi tashi di kwoove, ndele meke loye twe shi yandja kwoove.

LUKAS 24:10

Ndelenee ava ve shi hepaululila ovayapostoli ovo ava: Maria Magdalena naJohanna naMaria ina yaJakob novakainhu oovakwao pamwe navo.

OILONGA YOVAYAPOSTOLI 13:1

Ndele meongalo lomuAntiokia omwa li ovaxunganeki novalongindjovo Barnabas naSimeon a lukwa Nigeri naLukius Omukireni, naManahen, ou a tekulilwa pamwe naHerodes, omupangeli woshitine, naSaulus.

MATEUS 14:1

Ndele opo nee pomafiku enya omupangeli woshitine shoshilongo Herodes okwa uda etumbalo laJesus.

MATEUS 14:3

Osheshi Herodes okwa kwatifa Johannes ndele okwe mu manga, ndele okwe mu idilila modolongo omolwaHerodias, omukainhu waFilippus, ondenge yaye.

MATEUS 14:6

Ndelenee oshivilo shefiku lokudalwa kwaHerodes eshi sha dana, omona okakadona kaHerodias oka tutula oudano moipafi yavo, ndele oo owa hafifa Herodes;

MATEUS 20:8

“Ndele onguloshi eshi ye uya, mwene wepya lomiviinyu okwa lombwela elenga laye: ‘Ifana ovalongi ove u va fute ondjabi yavo, hovela kwaava vaxuuninwa fiyo okwaava votete.’

MATEUS 27:55

Ndele koima oko okwa li ku novakainhu vahapu, va dile kuGalilea ovo va shikulile Jesus nove mu yakulile; ova kala ofika kokule, ndele tave mu tale.

JOHANNES 12:6

Ndele eshi ine shi tya a yavelela eehepele, ndele osheshi a li omulunga, naashi a li a humbata okakutu koimaliwa, ndele okwa li ha kufa mo eshi tashi tulwa mo.