LUKAS 8:21 - Ombibeli Iyapuki

²¹ Ndelenee Ye okwe va nyamukula ta ti: “Meme novamwameme ovava hava udu eendjovo daKalunga ndele otave di wanifa.”

LUKAS 8:21 Referans Kwoze

JAKOB 1:22

Kaleni hano ovawanifi veendjovo, havapwilikini vongaho nokulifufya nye vene.

JOHANNES 13:17

Eshi ngeenge mu shi shii, onye ovanelao ngeenge tamu shi ningi.

3 JOHANNES 1:11

Omuholike, ino shikula owii, ndelenee shikula ouwa. Ou ta longo ouwa, oye womuKalunga. Ndele ou ta longo owii, oye ina mona Kalunga.

1 JOHANNES 2:29

Hano ngeenge mwe shi shiiva nokutya, Oye omuyuki, omu shi shii yo kutya, keshe ou ta longo ouyuki, okwa dalwa muye.

2 OVAKORINTO 6:18

nohandi ningi Xo yeni, onye notamu ningi ovamwange ovamati noukadona, Omwene Omunaenghono adishe osho ta ti.”

LUKAS 8:15

Ndele odo domedu liwa ovovo tava kwatele eendjovo ve di uda momitima diwa dihe noihelele, ndele otava imi oiimati moudiinini.

2 OVAKORINTO 5:16

Onghee hano mokudja paife kape na ou tu mu shii pambelela; nonande twa li twa shiiva Kristus pambelela, katu mu shii vali ngaha.

JOHANNES 20:17

Jesus okwe mu lombwela: “Ino kuma nge, osheshi inandi londa natango kuTate, ndelenee inda kovamwatate u ke va lombwele: Ohandi londo kuTate nokuXo yeni, kuKalunga kange nokuKalunga keni.”

MATEUS 25:40

Ndele ohamba tai ke va nyamukula ndele tai ti kuvo: ‘Oshili handi mu lombwele: aishe ei mwe i ningila umwe waava ovamwatate vanini, Aame mwe i ningila.’

MATEUS 17:5

Hano fimbo a li ta popi, tala, oshilemo shiyela oshe va tuvikila; ndele tala, ondaka ya dja moshilemo, ndele tai ti: “Ou Omona wange omuholike, onde mu hokwa; mu udeni.”

MATEUS 28:10

Ndele opo nee Jesus okwa tya kuvo: “Inamu tila, indeni mu ka lombwele ovamwatate, va ye kuGalilea, oko tava ka mona nge.”

MATEUS 25:45

Opo nee Oye te va nyamukula ndele ta ti: ‘Oshili handi mu lombwele: aishe inya inamu i ningila umwe waava vanini, Aame mwene inamu i ningila.’

LUKAS 8:20

Ye okwa lombwelwa: “Nyoko novamwanyoko ove li pondje, va hala ve ku mone.”