LUKAS 6:8 - Ombibeli Iyapuki

⁸ Ndele ye okwa li e shii omadiladilo avo, ndele ta ti komulumenhu, ou e neke la fya: “Fikama u ehene oku.” Ou okwa fikama ndele te uya po.

LUKAS 6:8 Referans Kwoze

EHOLOLO 2:23

novana vaye ohandi va dipaa po sheke. Omaongalo aeshe notaa ka shiiva Aame ou, handi konakona eefiyo nomitima, ndele handi pe keshe umwe shi fike poilonga yaye.

MATEUS 9:4

Ndele Jesus eshi a shiiva omadiladilo avo okwa tya kuvo: “Otamu diladilile shike owii momitima deni?

1 PETRUS 4:1

Hano Kristus eshi a yehamenwa mombelela, nanye yo tambuleni omadiladilo aa ngaashi oshilwifo, osheshi ou ta yehamenwa mombelela, oye ta efa oulunde,

OVAHEBERI 4:13

Ndele kape na nande oshishitwa shimwe sha holekwa moipafi yaye, ndelenee aishe oya kala ngaho poluhaela momesho aye, kwaau tu noku mu lihepaululila.

OVAFILIPPI 1:28

ndele nye muha mbadapalifwe kovanandubo nande moshinima shimwe. Eshi osho edidiliko lekano kuvo, ndelenee kunye olexupifo, edidiliko la dja kuKalunga.

OILONGA YOVAYAPOSTOLI 26:26

Ndele ohamba oi shii ei aishe, onghee hano handi mu lombwele yo nokuliameka kuye nouladi, osheshi ondi shi shii nawa, kaku na nande oshinima shomwaai aishe, osho inashi shiivika kuye, ei ngaashi inai ningilwa mekololo lapenipeni.

OILONGA YOVAYAPOSTOLI 20:24

Ndele ame kombinga yange nghi na nasho komwenyo wange, shamha tuu handi wanifa nehafo okweenda kwange noshilonga eshi nde shi pewa kOmwene Jesus, ndi hepaululile evaengeli longhenda yaKalunga.

JOHANNES 21:17

Oye ta ti kuye lutitatu: “Simon omona waJohannes, ou hole nge tuu?” Petrus okwa nyika oluhodi eshi te mu pula olutitatu: “Ove ou hole nge?” Ndele ta ti kuye: “Omwene, oinima aishe ove u i shii, ou shi shii ondi ku hole.” Jesus ta ti kuye: “Lifa eedi dange.

JOHANNES 9:4

Ame ndi nokulonga oilonga yaau a tuma nge, fimbo omutenya; oufiku tau uya, ndele kape na ou ta dulu okulonga.

JOHANNES 2:25

ndele Ye ina pumbwa ou te mu hepaululile ta popi omunhu, osheshi Oye mwene a shiiva eshi sha kala momunhu.

LUKAS 5:22

Ndele omadiladilo avo eshi Jesus kwa li e a shii, okwe va nyamukula ta ti: “Tamu diladila shike momitima deni?

JESAJA 42:4

Ye mwene ita ka dima ngaashi ita ka teka po fiyo ota dikile eyukifilopangelo kombada yedu, neenhunhu domefuta otadi teelele elongo laye.

OMAPSALOME 44:21

ngeno Kalunga ine shi tenheneka poluhaela mbela? Osheshi Oye omukonakoni woiholekwa yomutima.

JOB 42:2

“Ame ndi ku shii nokutya, keshe eshi to shi dulu ndele iho nyengwa okuwanifa omhangela yoye keshe.

1 OMAFIMBO 29:17

Kalunga kange, ame ndi shi shii, Ove ho panapana omutima, ndele wa hokwa ouyuki. Nomwenyo wa yuka nda yandja oinima aishe ei nehalo liwa. Ndele paife nda tala nehafo nhumbi ovanhu voye, ava ve li po, va yandja kwoove nehalo liwa.

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

LUKAS 6:9

Jesus okwe va lombwela: “Ohandi mu pula, oshilipipo sha wapalela Eshabata, okulonga ouwa ile okulonga owii, okuxupifa omwenyo ile oku u nyona po?”

MARKUS 3:3

Ye okwa lombwela omulumenhu ou e neke la kukuta: “Fikama, u ehene oku.”

LUKAS 13:12

Ndele Jesus eshi e mu mona, okwe mu ifana ndele ta ti kuye: “Omukainhu, wa veluka koudu woye,”