LUKAS 6:49 - Ombibeli Iyapuki

⁴⁹ Ndelenee ou te di udu, ndele ite shi ningi, ye okwa fomunhu a tungila pehekedu longaho puhe nomakanghameno, eyelu eshi la kungulukila kuyo, oya teka po, nengumauko layo la ninga linene.”

LUKAS 6:49 Referans Kwoze

HESEKIEL 33:31

Ndele vo otave uya kwoove ngaashi ovanhu tava ongala ndele tava kala omutumba moipafi yoye ngaashi ovanhu vange, ndele tava udu eendjovo doye, ndelenee ihave di wanifa. Osheshi vo ohava holola ohole yavo nokanya kavo, ndelenee omitima davo tadi shikula okulikola kwavo kwoulunde.

MATEUS 23:3

Onghee hano, keshe osho tave shi mu lombwele, shi ningeni nye mu shi diinine; ndele inamu hopaenena oilonga yavo, osheshi ovo tava lombwele, ndele itava longo sha.

OMAYELETUMBULO 28:18

Ou ha ende nouyuki ota ka kwafwa, ndelenee ou ta ende nokutengatenga neendjila, ota wile po.

1 JOHANNES 2:19

Vo ova dja mufye, ndelenee kava li ve noukumwe nafye; osheshi ngeno ova li ve noukumwe nafye, ngeno ova kala nafye; ndelenee osha li shi nokuholoka muvo, haaveshe vomufye.

JOHANNES 15:2

Oshitai keshe shi li mwaame eshi itashi imi, Oye ote shi tete po, nakeshe tuu eshi tashi imi ote shi yeleke, shi ime shili.

LUKAS 12:47

“Ndele omupiya ou kwa li e shii ehalo lOmwene waye, ye ine lilongekida ndele ina wanifa ehalo laye, ye ota dengwa omadengo mahapu.

LUKAS 6:46

Ndele oshike hamu ifana nge: ‘Omwene, Omwene,’ nye ihamu longo osho handi shi mu lombwele.

MARKUS 4:17

Ndele vo vehe na omidi muvo vene, ndele ovo ovana vokafimbo, ndele ngeenge tava hangika koudjuu ile tava hepekelwa eendjovo, otave di efa.

2 PETRUS 2:20

Osheshi nande ova dja onhapo eenyata dounyuni, mokukoneka Omwene nOmuxupifi Jesus Kristus, ndele otava yulwa vali notava findwa kudo, hano oxuuninwa yavo oii i dule yotete.

1 OVATESSALONIKI 3:5

Onghee hano eshi nda nyengwa okulididimika vali, onda tuma ko, ndi ude eitavelo leni, paha ningwe, omuhongauli e mu hongaule ngeno, ndele oshilonga shetu pamwe sha ninga shongaho.

OILONGA YOVAYAPOSTOLI 26:11

Ndele akushe meeshinagoga luhapu onde va fininikifa momahandukilo okutuka Jesus moupyuhandu wange, nonde va hepekele fiyo okoilando yokoilongo.

OILONGA YOVAYAPOSTOLI 20:29

Osheshi ame ondi shi shii, ngeenge nda di po, omambungu haa lyana otae uya ndele taa pumine mokati keni, nao kae na nande onghenda noshuunda.

LUKAS 19:27

Ndelenee ovatondi vange ovo inava hala ndi va pangele va eteni oku, mu va dipaele apa moipafi yange.’ ”

LUKAS 19:14

Ndelenee ovanhu vomoshilongo ove mu tonda ndele ove mu shikulifa ovatumwa ve mu lombwele: ‘Ou inatu mu hala e tu pangele.’

MATEUS 24:10

Opo nee vahapu tava efa ndele tava kengelelafana ndele tava tondafana.

HOSEA 4:14

Ame itandi ka handukila ovana veni oukadona omolwokuhaelwa kwavo, nosho yo oitenya yeni omolwokuteya kwavo ohombo. Osheshi ovalumenhu voovene ova kanduka mo mondjila pamwe neembwada, ndele hava yambe pamwe neembwada domeetembeli.

LUKAS 6:48

Ye okwa fomunhu ta tungu ongulu, ta fe mokule nomakanghameno e a tula kemanya, nefundja eshi le uya, omatondokelo omeva okwe litwa mongulu ei, ndele inaa dula oku i teya po, osheshi oyo ya li ya tungwa nawa.

LUKAS 7:1

Ndele eshi a mana okupopya eendjovo edi adishe momatwi ovanhu, okwa ya nee kuKapernaum.