LUKAS 6:39 - Ombibeli Iyapuki

³⁹ Ndele Ye okwe va lombwela efaneko: “Omupofi ota dulu ngahelipi okukwata omupofi mukwao komhango? Itava wile melambo aveshe vavali?

LUKAS 6:39 Referans Kwoze

MATEUS 15:14

Va efeni; ovo ovakwatiketi vovapofi; ngeenge ku nomupofi ta kwata omupofi mukwao komhango, aveshe vavali otava wile moshilambo.”

2 TIMOTEUS 3:13

Ndelenee ovanhu vai novakengeleledi otava ka ehena komesho mowii nokupukifa nokupuka.

JESAJA 56:10

Ovafita vaIsrael aveshe ovapofi, itava koneke sha; vo aveshe eembwa da mwena, dihe shii okuweda. Otadi nangala nokutwa eendjodi, di hole okukofa.

JESAJA 9:16

Ovakwateli komesho voshiwana eshi ova ninga ovapukifi, novakwatelwa komesho ove lihanifwa.

MATEUS 23:33

Omayoka nye, noludalo leenhoka, otamu shiiva ngahelipi okuya onhapo etokolo loheli?

JEREMIA 8:12

Otava ka fifwa ohoni, osheshi ova xuna, vo vehe neudito lokufya ohoni, vo inava shiiva okufya ohoni. Onghee hano tava ka wila mokati kaava va wila po. Mefimbo lokuhandukilwa kwavo otava ka dengwa poshi, Omwene ta ti.

JEREMIA 6:15

Vo otava ka fifwa ohoni, shaashi ova longa oixuna, voovene inava shiiva okufya ohoni, vehe neudito lohoni, onghee ove nokufila pamwe noonakudipawa. Pomafiku enya nge handi va handukile, otava ka xutuka, Omwene osho ta ti.

OVAROMA 2:19

ndele ho diladila to dulu okukala omukwati komhango wovapofi, ouyelele waava ve li momulaulu,

MATEUS 13:3

Ndele Ye okwe va lombwela dihapu domafaneko, ta ti: “Tala, omukuni okwa pita a ka kune.