LUKAS 6:38 - Ombibeli Iyapuki

³⁸ Yandjeni, nanye yo otamu ka pewa, oshiyelekifo shiwa sha fendwa, sha hekeshelwa, sha hekeshelekeka, tave shi tula mekolo leni. Osheshi oshiyelekifo eshi tamu shi yelekifa, nanye yo tamu ke shi yelekifwa.”

LUKAS 6:38 Referans Kwoze

DEUTERONOMION 15:10

U noku mu pa nehalo liwa, nomwenyo woye uha kale u noluhodi, osheshi omolweeshali doye Omwene Kalunga koye ote ke ku nangeka noupuna moilonga yoye aishe oyo ove ho i longo.

MARKUS 4:24

Ndele okwe va lombwela: “Didilikeni nawa osho hamu shi pwilikine, oshiyelekifo osho tamu shi yelekifa, nanye otamu shi yelekifwa, ndele tamu shoshelwa ko.

MATEUS 7:2

osheshi etokolo eli tamu li tokolifa, nanye yo otamu li tokolifwa; noshiyelekifo eshi tamu shi yelekifa, nanye yo otamu ke shi yelekifwa.

OMAYELETUMBULO 22:9

Ou e nehalo liwa ota ka nangekwa noupuna, osheshi ota yandje komukwanaluhepo omungome waye.

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

OMAYELETUMBULO 10:22

Enangeko noupuna lOmwene, olo tali likolifa, noshilonga shidjuu itashi wedele ko sha.

MATEUS 10:42

Nakeshe ou ta nwefa umwe waava vaxupi eholo lomeva omolwedina lomulongwa, oshili handi mu lombwele: Oye ita ka kanifa ondjabi yaye.”

LUKAS 6:30

Keshe ou te ku indile, mu pa, naau te ku kufa oshinima, ino shi mu pula nefininiko.

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.

JOB 42:11

Ovamwaina aveshe ovalumenhu novakainhu novashiivikile vaye aveshe ve uya kuye ndele va kala poshililo pamwe naye meumbo laye, ndele ve mu pendula noku mu hekeleka molwomupya waye aushe, Omwene e mu tuminine. Ndele keshe umwe womuvo okwe mu pa ombongo imwe nongodo yoshingoldo.

OMAPSALOME 79:12

Ovashiinda vetu, esheko lavo, eli ve ku sheka nalo Omwene, li va shunifila meenhulo davo luheyali.

ESTER 9:25

Ndelenee osho eshi sha udika kohamba, yo oya shanga ndele ya yandja oshipango, nokutya omhangela yaye youkolokoshi ye e i diladilila Ovajuda, i nokuwila komutwe waye mwene. Ndele ve mu endelelifa novana vaye ovalumenhu komuti wokumangeleka mo.

OVATOKOLIPANGELI 1:7

Opo nee Adoni-Besek ta ti: Eehamba omilongo heyali odo da tetwa ominwe dokomake nominwe dokeemhadi, oda toola oundjaumukile koshi yoshitaafula shange shoshililo. Ngaashi ame nda ningile, osho Kalunga a ningila nge. Ndele ve mu twala kuJerusalem, noko a fila.

ESTER 7:10

Ndele va endjelelifa Haman komuti wokumangeleka mo, ou ye e u dikila Mordekai, nehandu lohamba la lota.

JEREMIA 32:18

Ove oho file omayovi onghenda, nomanyonauno ootatekulu oto a shuna momakolo ovatekulu vavo, ve va shikula. Oove omunene nomunaenghono, Kalunga Omwene womatanga ovakwaita, olo edina loye,

EXODUS 21:24

eisho omeisho, eyoo omeyoo, eke omeke, omhadi omomhadi,

2 SAMUEL 19:36

Ame omupiya woye ohandi findikile ohamba okandjila kaxupi kombada yaJordan. Omolwashike ohamba i na okupa nge ondjabi i fike opo?