LUKAS 6:35 - Ombibeli Iyapuki

³⁵ Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai.

LUKAS 6:35 Referans Kwoze

JOHANNES 13:35

Opo tuu opo aveshe tave mu koneke kutya, nye ovalongwa vange, ngeenge mu holafane.”

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

OMAPSALOME 145:9

Kalunga omuwa kwaaveshe, nohole yaye ya nyananana kovashitwa vaye aveshe.

OMAYELETUMBULO 22:9

Ou e nehalo liwa ota ka nangekwa noupuna, osheshi ota yandje komukwanaluhepo omungome waye.

2 OVAKORINTO 8:9

Osheshi efilonghenda lOmwene weni Jesus Kristus omu li shii Oye nande okwa li oshipuna, a ninga ohepele omolweni, opo mu punapale koluhepo laye.

OMAPSALOME 112:5

Ou ha file onghenda ndele ta yandje nokuhateelela sha, oye omukalinawa. Ta diinine oinima yaye pauyuki;

JOHANNES 15:8

Opo tuu opo Tate ta fimanekwa ngeenge tamu imi shihapu, ndele tamu ningi ovalongwa vange.

OMAPSALOME 37:26

Alushe ye omunalukeno ndele ta yandje oikolo; oludalo laye otali eta enangeko noupuna.

OILONGA YOVAYAPOSTOLI 14:17

Nande Ye ina kala nande ine liholola, osheshi okwe mu monifila ouwa, eshi e mu lokifila odula meulu nokwe mu pa omafimbo oshishipo nokwa yadifa omitima deni oipalwifa nehafo.”

LUKAS 1:32

Ye ota ningi omunene, ndele Ye e nokwiifanwa Omona waau wOkombadambada. Kalunga Omwene ote mu pe olukalwa louhamba waxe David;

MARKUS 5:7

ndele okwa ingida mokule ta ti: “Owa hala shike mwaame, Jesus, Omona waKalunga, Ou wOkombadambada? Ohandi ku anene kuKalunga ino hepeka nge.”

OMAPSALOME 58:11

Ndele taku tiwa: “Heeno, oshili, omuyuki ota mono oshiimati nokuli; heeno, oku na Kalunga, ou ha tokola kombada yedu.”

MATEUS 5:9

“Ovanelao ovanambili, osheshi ovo tava ka ifanwa ovana vaKalunga.

LUKAS 6:36

Kaleni mu nonghenda, ngaashi Xo yeni e nonghenda.

2 TIMOTEUS 3:2

osheshi ovanhu otava kala nokulihola voovene, ovanalwisho voimaliwa, ovalitangi, novalinenepeki novasheki, vehe neduliko kovakulunhu, vehe shii kupandula, vehe neitavelo,