LUKAS 6:30 - Ombibeli Iyapuki

³⁰ Keshe ou te ku indile, mu pa, naau te ku kufa oshinima, ino shi mu pula nefininiko.

LUKAS 6:30 Referans Kwoze

2 OVAKORINTO 8:9

Osheshi efilonghenda lOmwene weni Jesus Kristus omu li shii Oye nande okwa li oshipuna, a ninga ohepele omolweni, opo mu punapale koluhepo laye.

OILONGA YOVAYAPOSTOLI 20:35

Moinima aishe onde mu ulikila, osho ngaha tu nokulonga nokukwafa oingone nokudimbulukwa eendjovo dOmwene Jesus e di popya Ye mwene: ‘Okuyandja oku nelao komesho yokutambula.’ ”

MATEUS 6:12

tu kufila po omatimba etu, ngaashi nafye yo hatu kufile po ovanamatimba nafye;

LUKAS 18:22

Ndele Jesus eshi e di uda okwa tya kuye: “Shimwe she ku pumba natango: landifa po aishe u i kwete, ove u i tukulile eehepele, ndele to kala u na emona meulu, ndele ila ove u shikule nge.”

OMAYELETUMBULO 21:26

efiku alishe ha kala nokahalu neenghono; ndelenee omuyuki ota yandje ita luvapala.

OMAPSALOME 41:1

Omunelao ou, ha yavele oshingone; oye ta xupifwa kOmwene mefiku loiponga.

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

LUKAS 12:33

Landifeni po eliko leni, nye mu yandje oikwafa yeehepele, lilikoleleni omakutu ihaa kulupa, emona meulu ihali xulu po, omo ihamu hange omulunga nonhwishi itai nyonauna.

LUKAS 11:41

Eshi shomeni shi yandjeni oikwafa yeehepele, aishe notai mu koshokele.

LUKAS 6:38

Yandjeni, nanye yo otamu ka pewa, oshiyelekifo shiwa sha fendwa, sha hekeshelwa, sha hekeshelekeka, tave shi tula mekolo leni. Osheshi oshiyelekifo eshi tamu shi yelekifa, nanye yo tamu ke shi yelekifwa.”

MATEUS 18:35

Osho yo Tate meulu te mu ningile, ngeenge itamu dimine po okomitima deni keshe tuu omumwaina.”

OMUUDIFI 8:16

Ame eshi nda pungulula omutima wange okulilonga ounongo, nokutala oinima tai ningwa kombada yedu, heeno, nokuli oufiku nomutenya kaku na ou ta mono eemhofi,

OMAYELETUMBULO 22:9

Ou e nehalo liwa ota ka nangekwa noupuna, osheshi ota yandje komukwanaluhepo omungome waye.

OMAPSALOME 112:9

Ta yandje neke lakamutuluka, neehepele ohe di pe oshali; ouyuki waye otau kala po alushe; oluvinga laye otali yeluka pombada la tumbalekwa.

OVAEFESO 4:28

Omulunga aha vake vali, ndelenee na longe nokulongifa omake aye ouwa, opo a kale e na sha okuyandjela eehepele.

OMUUDIFI 11:2

Oshitukulwa shi yandjela vaheyali, heeno, vahetatu yo, osheshi inamu shiiva omupya washike tau ka kala kombada yedu.

MATEUS 5:39

Ndelenee Ame ohandi mu lombwele: Inamu kondjifa omunawii; ndele ngeenge ku na ou te ku denge kolupanda lokolulyo, mu alulila nalikwao;

LUKAS 6:29

Ou te ku denge kolupanda, mu pa yo likwao, ndele ou te ku nyeka oshikutu shokombada, ino mu anyena naashi shokoshi.

LUKAS 6:31

Ndelenee ngaashi mwa hala ovanhu ve mu ningile, osho va ningileni yo.