LUKAS 6:21 - Ombibeli Iyapuki

²¹ “Ovanelao nye ovo mwa fya ondjala paife, osheshi nye otamu ka kutifwa. Ovanelao nye ava tamu lili paife, osheshi otamu ka yola.

LUKAS 6:21 Referans Kwoze

JOHANNES 6:35

Ndele Jesus okwa tya kuvo: “Aame omungome womwenyo. Ou te uya kwaame, oye ita fi ondjala, ndele ou ta itavele nge, ita fi vali enota fiyo alushe.

MATEUS 5:6

“Ovanelao ava va fya ondjala nenota louyuki, osheshi ovo tava ka kutifwa.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

LUKAS 1:53

Ovanandjala okwe va kutifa nouwa, noipuna okwe i lekela ongaho.

MATEUS 5:4

“Ovanelao ovo va nyika oluhodi, osheshi ovo tava ka hekelekwa.

EHOLOLO 7:16

Vo itava fi vali ondjala ile enota, netango nakeshe tuu oupyu itau va xwike vali,

LUKAS 6:25

“Woo nye, ava mu nekuta paife, osheshi tamu ka fya ondjala. “Woo nye, tamu yolo, osheshi otamu ka nyika oluhodi nokulila.

1 OVAKORINTO 4:11

Fiyo okefimbo eli otwa fya ondjala notwa fya enota, otu li hamunghele nohatu dengwa, notuhe nomutumba,

JOHANNES 4:10

Jesus okwe mu nyamukula ta ti: “Ngeno wa shiiva oshali yaKalunga, nalyelye ou ta ti kwoove: pe nge okunwa, ngeno ove to mu indile, ndele ye te ku pe omeva e nomwenyo.”

JEREMIA 31:9

Otava aluka nokulila. Ndele Ame handi va endifa, eshi hava ende nokwiilikana. Ohandi va twala komakungulukilo omeva nondjila oyo ya yelakana, itava punduka nande. Osheshi Aame Xe yaIsrael, naEfraim oye oshiveli shange.

JESAJA 30:19

Osheshi oshiwana tashi ka kala muSion muJerusalem. Ove ito ka lila vali! Ote ku file onghenda shili molweifano loye ekwafo; moku li uda, ote ku nyamukula.

OMAPSALOME 107:9

molwaashi a kumwifa omwenyo ou wa notelwa, nokwa palula nouwa omwenyo wa konenwa.

OMAPSALOME 17:15

Ndelenee ame handi ka tala oshipala shoye mouyuki; ame ohandi ka mona ekuta mokutala ondjelo yoye ngeenge handi penduka.

GENESIS 21:6

Ndele Sara okwa tya: “Kalunga okwa yolifa nge. Keshe ou te shi udu, ota ka yola pamwe.”

GENESIS 17:17

Opo nee Abraham okwa wila eombe ndele ta yolo, ndele te lipopile momutima waye: “Omunamido efele limwe ota ka dalelwa vali okaana? NaSara oku na omido omilongo omugoi, ota dala tuu vali?”

EHOLOLO 21:3

Ndele nda uda ondaka inene ya dja meulu, tai ti: “Tala, etwali laKalunga oli li povanhu, Oye ta tula puvo, vo otava ningi ovanhu vaye, Kalunga mwene ota kala pamwe navo, Kalunga kavo;

2 OVAKORINTO 12:10

Molwaasho nda hokwa oungone nomadengo nomahepeko noluhepo nomafininiko omolwaKristus; osheshi ngeenge ondi li oshingone, aame omunaenghono.

2 OVAKORINTO 11:27

omoilonga nomoudjuu, omokukala oupafi luhapu oufiku, omondjala nomenota, omokulidilika oikulya luhapu, omoutalala nomonghai.

2 OVAKORINTO 6:10

ngaashi ava ve nomahodi, ndele otu nehafo alushe, ngaashi eehepele, ndele ohatu punapalifa vahapu, ngaashi ovo vehe na nande sha, ndele otu noinima aishe.

JOHANNES 11:35

Jesus okwa lila.

HESEKIEL 9:4

Ndele Omwene okwe mu lombwela: “Endaenda moshilando, endaenda muJerusalem, ndele ninga edidiliko meembaba doipala yovalumenhu ava hava keme nokunyika oluhodi omolwoixuna aishe ei ya ningwa mo.”

HESEKIEL 7:16

Ngeenge ku na vamwe vavo tava xupu, ndele tava i onhapo, otava ka kala keemhunda ngaashi eenghuti domomalufilu, ava aveshe tava keme, keshe umwe ta kemene oulunde waye.

JEREMIA 31:25

Osheshi Ame ohandi hekeleke omwenyo wa loloka, ndele keshe omwenyo wa notelwa ohandi u kumifa.”

JEREMIA 13:17

Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika.

JEREMIA 9:1

Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.

JESAJA 66:10

Kaleni mwa hafa pamwe naJerusalem nye mu shi nyakukilwe amushe ava mu shi hole! Kuwilileni amushe pamwe nasho, kuwilileni pombada onye ava mwa li mwe shi nyikila oluhodi.

JESAJA 25:6

Ndele Omwene womatanga ovakwaita ota ka dungila ovanhu aveshe komhunda ei oitendele yomaadi, oitendele yomaviinyu e neenghono noyomungo noyomaviinyu mawa.

OMAPSALOME 143:6

Omake ange ohandi a yelula kwoove; omwenyo wange otau ku notelwa, wa fa edu li nonghange. Sela

OMAPSALOME 119:136

Omahodi otaa kunguluka momesho ange, shaashi omhango yoye ihave i yavala.

OMAPSALOME 65:4

Omunelao ou, we mu hoolola, ndele oto itavele a ehene kwoove, ye a kale momikala doye, opo fye tu palulwe kouwa weumbo loye, mouyapuki wotembeli yoye.

OMAPSALOME 28:7

Omwene Oye omupameki wange noshikelelifo shange; Oye nde lineekela momutima wange nonda mona ekwafo. Osho nee sha nyakula omutima wange, nohandi mu pandula neimbilo lange.

LUKAS 6:20

Ndelenee Ye okwa yelula omesho aye, a tala ovalongwa vaye ndele ta ti: “Ovanelao nye eehepele, osheshi ouhamba waKalunga oweni.

LUKAS 6:22

“Ovanelao nye ovanhu ngeenge tave mu tondo molwedina lOmona wOmunhu ndele have mu kondo mo nohave mu sheke, nedina leni have li dini la fa lii.