LUKAS 5:8 - Ombibeli Iyapuki

⁸ Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.”

LUKAS 5:8 Referans Kwoze

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

EHOLOLO 1:17

Ndelenee eshi nde mu mona, onda wila keemhadi daye nda fa nda fya. Ndele Ye a tenheka nge eke laye lokolulyo ndele ta ti: “Ino tila, Aame ou, omutete nomuxuuninwa,

OVATOKOLIPANGELI 13:22

Ndele Manoah ta ti komwalikadi waye: “Fye ohatu ka fya shili, shaashi twa mona Kalunga.”

EXODUS 20:19

Ndele vo va lombwela Moses: “Ove u nokupopya nafye, opo tu shiive okupwilikina. Ndelenee Kalunga Oye mwene ngeno aha popye nafye, tuha fye.”

JOB 40:4

“Tala, aame ongahoelela, ndi ku nyamukule shike? Eke lange handi li tula pomilungu dange.

1 SAMUEL 6:20

Opo nee ovalumenhu vomuBet-Semes tava ti: Olyelye ta dulu okuyakula moilonga koshipala shOmwene, Kalunga ou muyapuki? Ndele ta ka ya kulyelye eshi ta di pufye?

MATEUS 17:6

Ndele ovalongwa eshi ve shi uda, ova wilika oipala yavo poshi ndele ova tila unene.

JOHANNES 11:32

Ndele Maria eshi e uya oku kwa li Jesus, ndele te mu mono, okwa twa eengolo keemhadi daye ndele ta ti kuye: “Omwene, ngeno Ove wa li po, ngeno omumwameme ina fya.”

MATEUS 8:8

Ndele omunefele okwe mu nyamukula ndele ta ti: “Omwene, ame inandi wana u uye monduda yange; ndele tonga ashike ondjovo imwe, omumati wange opo ta veluka.

MATEUS 2:11

Ndele ova ya meumbo ndele tava mono mo okaana naina yako, Maria. Ndele tava tu eengolo nove ke linyongamena, va tuula omamona avo, ndele tave ka pe oshali: oshingoldo noidimba iwa nomirha.

1 EEHAMBA 17:18

Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!”

2 SAMUEL 6:9

Ndele David okwa tila Omwene efiku olo ndele ta ti: “Oshikefa shOmwene tashi dulu ngahelipi okuuya kwaame?”

1 OVAKORINTO 13:12

Osheshi paife ohatu mono ko ngaashi omoshitengelelo, ongaashi otumbutumbu, ndele mefiku linya okoshipala noshipala: paife okushiiva kwange okombinga, ndelenee efiku linya ohandi ka shiiva nda wana, ngaashi naame mwene yo nda shiivikika.

LUKAS 5:7

Vo ova lapa oovakwao va li mowato ikwao, ve uye, ve va kwafe. Vo ove uya, ndele ova yadifa eewato adishe mbali hinga da ningina mo.

LUKAS 5:9

Osheshi ye naaveshe ovo va li pamwe naye, ova halukilila eyulo olo ve li yula,