LUKAS 5:33 - Ombibeli Iyapuki

³³ Opo vo va tya kuye: “Ovalongwa vaJohannes ohave lidilike eendja luhapu ndele hava ningi omailikano nosho yo vali ovo vOvafarisai, ndele voye ohava li nohava nu.”

LUKAS 5:33 Referans Kwoze

LUKAS 20:47

ovovo hava li omaumbo ovafiyekadi ndele hava ningi omailikano malemale pamoniko, ovo tuu tava ka mona etokolo lidjuu unene.”

LUKAS 18:12

eendja ohandi di lidilike luvali moshivike keshe ndele handi yandje oitimulongo moilikolwa yange aishe.’

OILONGA YOVAYAPOSTOLI 9:11

Opo nee Omwene okwa tya kuye: “Fikama, inda kondjila inya ya lukwa ya yuka, ove u ka pule meumbo laJudas omulumenhu Omutarso, edina laye Saulus, osheshi tala, ye ota ilikana,

JOHANNES 3:25

Ndele opa ningwa eemhata pokati kovalongwa vaJohannes nOvajuda omolweyelifo.

JOHANNES 1:35

Efiku la shikula Johannes okwa li ko vali ofika pamwe novalongwa vaye vavali.

LUKAS 11:1

Ndele opa ningwa, Ye eshi a li monhele yonhumba ta ilikana, eshi a mana, umwe womovalongwa vaye okwe mu lombwela: “Omwene, tu longa okwiilikana ngaashi Johannes a longa ovalongwa vaye.”

MARKUS 12:40

ovo tava mane po omaumbo ovafiyekadi, nohava ningi omailikano malemale okulimonikifa kwongaho. Vo otava ka pewa etokolo lidjuu.”

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

SAKARIA 7:6

Ndele eshi mwa lya ndele mwa nwa, inamu lilila, nye inamu linwina nye vene?”

JESAJA 1:15

Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde.

OMAYELETUMBULO 28:9

Ou ta fitike okutwi kwaye aha ude omhango, neilikano laye nokuli oixuna.

LUKAS 2:37

ndele pefimbo olo okwa li omufiyekadi e nomido omilongo hetatu nanhee. Ye ina dja mo nandenande motembeli, ndelenee okwa longela mo Kalunga oufiku nomutenya nokulidilika nokwiilikana.

LUKAS 5:32

Ame inandi uya okwiifana ovayuki, ndele ovalunde ve lidilulule.”

LUKAS 5:34

Ndele Jesus okwa tya kuvo: “Otamu dulu tuu okufininika ookaume komuhomboli ve lidilike oikulya, omuhomboli fimbo e li puvo?