LUKAS 5:22 - Ombibeli Iyapuki

²² Ndele omadiladilo avo eshi Jesus kwa li e a shii, okwe va nyamukula ta ti: “Tamu diladila shike momitima deni?

LUKAS 5:22 Referans Kwoze

LUKAS 24:38

Ye okwe va lombwela: “Oshike mwa tila ngaha, noshike omadiladilo a tya ngaha a penduka momitima deni?

OILONGA YOVAYAPOSTOLI 5:3

Ndele Petrus okwa tya: “Ananias, oshike wa efela Satana a yade omutima woye, eshi wa fufya Omhepo Iyapuki ndele wa holeka oimaliwa imwe yomepya?

MARKUS 8:17

Jesus eshi e shi koneka, okwa tya kuvo: “Oshike tamu popi kutya, kamu na omingome? Nopaimhe inamu koneka, nye kamu udite ko? Omitima deni oda kukuta natango?

MATEUS 12:25

Ndelenee Oye a li e wete omadiladilo avo, ndele ta ti kuvo: “Okeshe tuu oshilongo tashi litwile ondubo musho vene, otashi teka po, nongaashi kaku noshilando ile eumbo tali litwile ondubo mulo vene tali kala po.

MATEUS 9:4

Ndele Jesus eshi a shiiva omadiladilo avo okwa tya kuvo: “Otamu diladilile shike owii momitima deni?

JESAJA 66:18

Ndelenee Ame ondi shii oilonga yavo nomadiladilo avo. Efimbo tali uya, fiku oiwana aishe nomalaka aeshe ohandi i ongele kumwe, ndele vo otave ke uya va tale oshinge shange.

OMAPSALOME 139:2

nande ndi li omutumba, ile nda fikama, owe shi shiiva; omadiladilo ange ou a uditile kokule;

EHOLOLO 2:23

novana vaye ohandi va dipaa po sheke. Omaongalo aeshe notaa ka shiiva Aame ou, handi konakona eefiyo nomitima, ndele handi pe keshe umwe shi fike poilonga yaye.

OVAHEBERI 4:12

Osheshi ondjovo yaKalunga oi nomwenyo neenghono, noi neememo i dule eongamukonda leememo keembinga mbali, otai tu, ndele tai tongola omwenyo nomhepo, eengolo nomungo; ndele i shii okutokola omadilongo nomadiladilo omutima.

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

HESEKIEL 38:10

Omwene Kalunga ota ti ngaha: “Mefiku tuu olo omadiladilo taa ka penduka momutima woye, ndele to ka uka euko lii,

OMAYELETUMBULO 15:26

Eemhangela dovanawii oixuna koshipala shOmwene, ndelenee eendjovo doukaume oda yela.

MATEUS 12:15

Ndele Jesus eshi a didilika eshi, okwa dja ko. Ndele vahapu ve mu shikula, nokwe va velula aveshe,

LUKAS 5:21

Ndele ovanongo vomishangwa nOvafarisai ova hovela nee okudiladila, ndele ova tya: “Olyelye ou, eshi ta popi ngaha omasheko? Olyelye ta dulu okudima po omatimba, ehe fi Kalunga, Oye aeke?”

LUKAS 5:23

Shipu shi dule shikwao oshilipipo okulombwela: ‘omatimba oye e ku diminwa po,’ ile okutya: ‘fikama u ende?’