LUKAS 4:2 - Ombibeli Iyapuki

² Satana okwe mu hongaula omafiku omilongo ine. Nomafiku oo ina lya sha, ndele eshi aa a pita po oku udite ondjala.

LUKAS 4:2 Referans Kwoze

1 EEHAMBA 19:8

Opo nee ye ta penduka, ta li ndele ta nu, ndelenee meenghono doipalwifa okwa enda omafiku omilongo nhee nomaufiku omilongo nhee fiyo okuHoreb, komhunda yaKalunga.

EXODUS 34:28

Ndele ye okwa kala pOmwene omafiku omilongo ine, omutenya noufiku. Ye ina lya omungome noina nwa omeva. Ndele ye okwa shangela mo moipelende eendjovo dehangano, oipango oyo omulongo.

OVAHEBERI 4:15

Osheshi omupristeli wetu omukulunhu haye ou, ehe uditile oungone wetu olukeno, ndelenee Oye ou a shindwa moinima aishe ngaashi fye, ndelenee ke netimba.

OVAHEBERI 2:18

Osheshi Oye mwene, eshi a yehamekwa nokwa hongaulwa, ota dulu okukwafa ava tava hongaulwa.

DEUTERONOMION 9:9

Ame eshi nda londa komhunda ndi tambule oipelende yomamanya, oipelende yehangano, Omwene e li ninga nanye, ame nda kala komhunda omafiku omilongo nhee oufiku nomutenya, noinandi lya omungome, inandi nwa omeva,

JOHANNES 4:6

Ndele oko kwa li ofifiya yaJakob. Hano Jesus eshi a li a loloka keengeda, a kala omutumba pofifiya. Ndele opa li otundi onhihamano.

DEUTERONOMION 9:18

Opo nee nda wila eombe koshipala shOmwene ngaashi tete, omafiku omilongo nhee, oufiku nomutenya, inandi lya omungome, inandi nwa omeva, omolwomatimba eni aeshe mwe a ninga, eshi mwa longa osho inashi yuka momesho Omwene, ndele mwe mu handukifa.

MATEUS 21:18

Ndele ongula inene eshi a meneka ta shuna koshilando, okwa fya ondjala.

MATEUS 4:2

Ndele eshi a ninga ko omitenya omilongo nhee nomaufiku omilongo nhee ina lya sha, okwa hangika kondjala.

JONA 3:7

Ndele yo ya vilikilifila muNinive, ndele tai ti: “Ondaka yohamba noyomalenga ayo tai ti: paha kale nande omunhu ta li sha ile oshinamwenyo, eengobe ile eedi noikombo tai lifwa ile tai xwiilwa.

ESTER 4:16

“Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

1 SAMUEL 17:16

Ndelenee Omufilisti okwa ehena po omafiku omilongo nhee, ongula nonguloshi ndee ta kala ofika.

DEUTERONOMION 9:25

Ndele ame nda wila eombe koshipala shOmwene omafiku omilongo nhee, oufiku nomutenya, nda wila eombe, shaashi Omwene okwa tile, Ye a hala oku mu komba po.

EXODUS 24:18

Ndele Moses okwa ya meni loshilemo ndele okwa londa komhunda. Ndele Moses okwa li komhunda omitenya omilongo nhee nomaufiku omilongo nhee.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

LUKAS 4:3

Ndelenee Satana okwe mu lombwela: “Oove ngeenge Omona waKalunga, lombwela hano emanya eli li shituke omungome.”