LUKAS 4:18 - Ombibeli Iyapuki

¹⁸ “Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

LUKAS 4:18 Referans Kwoze

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

LUKAS 7:22

Ndele Ye okwe va nyamukula ta ti: “Indeni mu ka hepaululile Johannes ei mwe i mona nomwe i uda: ovapofi otava mono ko, noingudu tai ende, ovanashilundu tava yela, novafitamatwi tava udu ko, ovafi otava nyumunwa, neehepele tadi udifilwa evaengeli.

OILONGA YOVAYAPOSTOLI 26:18

okupashukifa omesho avo, va dje mo momulaulu, ve uye mouyelele, va efe epangelo laSatana, nove uye kuKalunga, ndele mokwiitavela nge, va mone ekufilo lomatimba nefyuululo mokati kovayapulwa.’

JESAJA 42:7

okupashula omesho ovapofi nokupitifa eenghwate modolongo, nokumangulula meti ava hava kala omutumba momilaulu.

JOHANNES 12:46

Ndele Ame nde uya mounyuni ouyelele, opo keshe ou ta itavele nge, aha kale momilaulu.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

OVAKOLOSSI 1:13

Ou e tu xupifa mo mepangelo lomulaulu nokwe tu tembulila mouhamba wOmona waye omuholike.

MATEUS 4:16

Ndele oshiwana osho sha li omutumba momilaulu, osha mona ouyelele uhapu, naavenya va li va kala omutumba moshilongo nomomudidimbe wefyo, ouyelele we va yelela.”

JESAJA 32:3

Opo nee omesho ovanamesho ihaa kala vali a twika, nomatwi aava ve na omatwi otaa udu ko;

OMAPSALOME 147:3

Oha twamifa ava ve nomutima wa tekauka, ndele ta mange oipute yavo tai yehama.

JESAJA 35:5

Opo nee omesho ovapofi otaa ka pashuka nomatwi ovafitamatwi otaa ka fituluka.

MATEUS 5:3

“Ovanelao eehepele domhepo, osheshi Ouhamba weulu owavo.

LUKAS 6:20

Ndelenee Ye okwa yelula omesho aye, a tala ovalongwa vaye ndele ta ti: “Ovanelao nye eehepele, osheshi ouhamba waKalunga oweni.

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JOHANNES 3:34

Osheshi ou a tumwa kuKalunga, oye ta popi eendjovo daKalunga, osheshi Kalunga ita yandje Omhepo ta yeleke.

JESAJA 59:21

Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.

JESAJA 50:4

Omwene okwa pa nge elaka la longwa, opo ndi kale ndi nounongo okuyakula nokutwa ouladi ava va loloka; Oye ta pendula nge keshe ongula, ta pendula okutwi kwange, opo ndi ude ko panghedi yovalongwa.

OMAPSALOME 102:20

Ye a pwilikine eenghwate, nhumba tadi keme, nokuxupifa ava va tokolelwa efyo,

DANIEL 9:24

Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

JESAJA 49:9

Nokulombwela eenghwate: ‘Djeni mo!’ Naava va kala momilaulu: ‘Ileni pouyelele!’ Ndele vo otava ka lifa pomalila, keemhunda adishe da yela otapa ka kala oulifilo wavo.

JESAJA 45:13

Ame onde mu pendulila mouyuki, ndele nda yelakanifa eendjila daye adishe. Ndele ye ota tungu oshilando shange, ndele ye ota efa ovapika vange, ite va efele oikulila ile ofuto”, Omwene womatanga ovakwaita osho ta ti.

OMAPSALOME 34:18

Omwene oku li popepi nomitima da teyauka, Ye oha xupifa ava ve nomhepo ya nyanyauka.

OMAPSALOME 2:6

“Aame tuu ou nda nangeka ohamba yange muSion komhunda yange iyapuki.”

SEFANIA 3:12

Ndelenee Ame ohandi ka fiya mo mokati koye oshiwana sha xupa nosha nghundipala tashi lineekele edina lOmwene.

OMAPSALOME 2:2

Eehamba dedu tadi fikama, ovapangeli otava kundafana pamwe notava tu ondubo nOmwene nomuvaekwa waye.

JOHANNES 1:41

Ye okwa shakena tete namumwaina Simon, ndele ta ti kuye: “Fye otwa mona Messias, otashi ti Kristus.”

MATEUS 12:20

Oshihati sha tanduka ite shi nyanyaula, nokangodi koshela yomaadi ka twimaana, ite ka dimi po, fiyo ta fikifa eshi sha yuka mefindano.

OMAPSALOME 51:17

Omayambo aa a halika kuKalunga, oo omhepo ya teyauka. Omutima, ou wa teyauka nowa alamekwa, oo nee, Kalunga ito u dini.

SAKARIA 11:11

Ndele mefiku tuu olo oya teywa. Ndele osho hano eenghwanaluhepoelela mokati keedi edi de lineekela nge, oda shiiva, nokutya oyo oya li ondjovo yOmwene.

HESEKIEL 9:4

Ndele Omwene okwe mu lombwela: “Endaenda moshilando, endaenda muJerusalem, ndele ninga edidiliko meembaba doipala yovalumenhu ava hava keme nokunyika oluhodi omolwoixuna aishe ei ya ningwa mo.”

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

OILONGA YOVAYAPOSTOLI 4:27

Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka,

OMAPSALOME 45:7

Ove u hole ouyuki ndele to tondo oumbudi; onghee hano Kalunga, Kalunga koye, e ku vaeka nomaadi ehafo u dule oovakweni.

2 OMAFIMBO 34:27

omutima woye eshi wa pupala ndele ove we lininipika koshipala shaKalunga, eshi wa uda eendjovo daye te di popile onhele ei noonakukala muyo, ndele we lininipika koshipala shange, ndele wa pombaula oikutu yoye ndele wa lila koshipala shange, onghee hano nde ku uda, Omwene ta ti.

MATEUS 12:18

“Tala, omunhu wange, nde mu hoolola, omuholike wange, ou omwenyo wange we mu hokwa; Ame ohandi mu tula Omhepo yange, oye ndele ta udifile ovapaani etokolo la yuka.

LUKAS 4:17

Ndele okwa pewa omishangwa domuxunganeki Jesaja. Hano eshi a tonyununa omishangwa, okwe litwa poima pa shangwa:

OILONGA YOVAYAPOSTOLI 4:26

Eehamba dedu tadi fikama, novapangeli otava ongalele kumwe notava tu ondubo nOmwene nOmuvaekwa waye.’