LUKAS 24:6 - Ombibeli Iyapuki

⁶ Ye ke mo omu, okwa nyumuka, dimbulukweni eendjovo e di mu lombwelele fimbo a li kuGalilea,

LUKAS 24:6 Referans Kwoze

LUKAS 9:22

ndele ta ti: “Omona wOmunhu e na okuhepekwa unene nokweekelwashi kovakulunhu nokovapristeli ovakulunhu nokovanongo vomishangwa, Ye e nokudipawa, ndele efiku etitatu oku nokunyumuka.”

MARKUS 8:31

Ndele Ye a hovela oku va longa, Omona wOmunhu nhumbi e nokuhepekwa shili, ndele ta ka ekelwashi kovakulunhu nokovapristeli ovakulunhu nokovanongo vomishangwa, ota ka dipawa, ndele ngeenge pa piti omafiku atatu, ota ka nyumuka koufi.

MATEUS 28:6

Ke mo, osheshi okwa nyumuka, ongaashi a tile. Ileni, mu tale onhele, apa a li a nangala.

LUKAS 9:44

“Eendjovo edi di kwateleni momatwi eni. Omona wOmunhu ta yandjwa momake ovanhu.”

MATEUS 27:63

ndele tava ti: “Omwene, otwa dimbulukwa, omupukifi winya fimbo kwa li e nomwenyo, okwa tile: ‘Ngeenge pwa pita omafiku atatu, ohandi nyumuka.’

MATEUS 16:21

Hano okefiku tuu olo Jesus okwa hovela okuhololela ovalongwa vaye nokutya, e nokuya kuJerusalem noku ka hepekwa nomahepeko mahapu kovakulunhu nokovapristeli ovakulunhu nokovanongo vomishangwa nokudipawa nokunyumunwa efiku etitatu.

MATEUS 12:40

Osheshi ngaashi Jona a kalele medimo loshikwameva omitenya nhatu nomaufiku atatu, hano osho yo Omona wOmunhu ota ka kala koshi yedu omitenya nhatu nomaufiku atatu.

MARKUS 16:6

Ye okwa tya kuvo: “Inamu tila. Otamu kongo Jesus Omunasareti, omuvalelwa komushiyakano. Ye okwa nyumuka, ke mo omu. Taleni onhele ei apa va li ve mu nangeka.

LUKAS 24:5

Ndele vo ova haluka ndele va fidimika oipala yavo poshi. Vo ova tya kuvo: “Oshike tamu kongo omunamwenyo mokati kovafi?

LUKAS 24:34

Vo ova tya: “Omwene okwa nyumuka shili, okwa monika kuSimon.”

OILONGA YOVAYAPOSTOLI 2:24

Oye ou Kalunga okwe mu nyumuna ndele okwe mu mangulula mouyehame wefyo, ngaashi efyo laha la li neenghono oku mu kwatelela mo.

2 OVATESSALONIKI 2:5

Inamu shi dimbulukwa eshi nde mu lombwela alushe fimbo nda li punye?