LUKAS 24:47 - Ombibeli Iyapuki

⁴⁷ ndele medina laye elidilululo nedimepo lomatimba oli nokuudifilwa oiwana aishe nokuhovela muJerusalem.

LUKAS 24:47 Referans Kwoze

OILONGA YOVAYAPOSTOLI 5:31

Oye ou Kalunga e mu nenepekifa neke laye lokolulyo, a ninga Omwene, e mu lenge mouyehame Omukulili okupa Ovaisraeli elidilululo nedimepo lomanyonauno.

JESAJA 49:6

Ye okwa tya: “Itashi ku wanene, oove omupiya wange, ngeenge to pamekulula omapata aJakob ndele to alula oonakuxupa muIsrael, ndelenee ohandi ku tula po u kale ouyelele woiwana, exupifo lange opo li hange fiyo okominghulo dedu.”

OILONGA YOVAYAPOSTOLI 2:38

Ndele Petrus okwa tya kuvo: “Lidilululeni, nakeshe ou ne lishashifile medina laJesus Kristus, mu diminwe po omatimba eni, ndele nye otamu ka pewa oshiyandjwa shOmhepo Iyapuki.

OILONGA YOVAYAPOSTOLI 20:21

fimbo nda hepaululila Ovajuda nOvagreka, ve nokulidilulula nokwaalukila kuKalunga nokwiitavela Omwene wetu Jesus Kristus.

OILONGA YOVAYAPOSTOLI 13:46

Opo nee Paulus naBarnabas ova popya nouladi tava ti: “Onye tuu ava mu nokuudifilwa tete eendjovo daKalunga; ndele nye eshi tamu di kandula po, nomwe litala inamu wapala okuya momwenyo waalushe, hano taleni, ohatu liameke kovapaani.

MATEUS 28:19

Indeni hano ka ningeni ovanhu aveshe ovalongwa vange, noku va shashela medina laXe nolOmona nolOmhepo Iyapuki,

MALAKIA 1:11

Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.

OILONGA YOVAYAPOSTOLI 11:18

Ndele vo eshi ve shi uda, ove limwenenena, tava hambelele Kalunga tava ti: “Osho ngaha Kalunga okwa yandja nokovapaani yo elidilululo lokumona omwenyo.”

OILONGA YOVAYAPOSTOLI 26:18

okupashukifa omesho avo, va dje mo momulaulu, ve uye mouyelele, va efe epangelo laSatana, nove uye kuKalunga, ndele mokwiitavela nge, va mone ekufilo lomatimba nefyuululo mokati kovayapulwa.’

DANIEL 9:24

Oivike omilongo heyali oya tokolelwa oshiwana shoye noshilando shoye shiyapuki. Opo nee eliteeko tali xulu po, nowii tau xulifwa po noilonga ii tai xulifwa po, nouyuki waalushe tau hololwa, ndele emoniko nexunganeko tali pamekwa noshihako, naau Omuyapuki e dule aveshe, ota vaekwa.

JEREMIA 31:34

Ndele vo itava ka kala nokulongafana omukwao nomukwao, omumwaxe nomumwaxe nokutya: ‘Shiiva Omwene,’ osheshi vo aveshe ngaashi ve li, ovanyasha novakulunhu, otava ka shiiva nge, Omwene ta ti. Osheshi Ame ohandi ka dima po omanyonauno avo, ndele itandi dimbulukwa vali omatimba avo.”

OMAPSALOME 86:9

Oiwana aishe yovapaani, ngaashi we i shita, otai ke uya i linyongamene koshipala shoye, Omwene, nai fimaneke edina loye;

MATEUS 3:2

ndele ta ti: “Lidilululeni, osheshi ouhamba weulu we uya popepi.”

HOSEA 2:23

Ndele handi ke mu likuninina moshilongo, ndele handi filonghenda Lo-Ruhama, ndele handi lombwele Lo-Ammi: “Oove oshiwana shange.” Ndele ye ota itavele: “Kalunga kange.”

OMAPSALOME 22:27

Fiyo okominghulo dounyuni otave ke shi shipulula, ve lialulukile kOmwene, noiwana aishe yovapaani otai ke linyongamena koshipala shoye,

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

1 JOHANNES 2:12

Ovamwange, ame ohandi mu shangele, osheshi omatimba eni omwe a kufilwa po omolwedina laye.

OVAKOLOSSI 1:27

ovo Kalunga a hala oku va shiivifila oupuna wefimano loshiholekwa eshi shi li mokati kovapaani, osho Kristus munye, eteelelo lefimano.

OILONGA YOVAYAPOSTOLI 10:43

Oye tuu ou ovaxunganeki vonale ve mu hepaulula nokutya: Keshe ou te mu itavele ota mono edimepo lomatimba medina laye.”

OILONGA YOVAYAPOSTOLI 4:12

Ndele kaku na mukwao, exupifo la kala muye, osheshi kaku nedina limwe li lili koshi yeulu, la yandjelwa ovanhu omo tu nokuxupifilwa mo.”

OILONGA YOVAYAPOSTOLI 3:19

Hano lidilululeni, nye mu lialuluke, omatimba eni opo a dimwe po,

MIKA 4:2

Ndele oiwana ihapu otai ka ya, ndele tai ti: “Ileni, fye tu londeni komhunda yOmwene nokotembeli yaKalunga kaJakob, opo Ye e tu longe omalila aye, fye tu ende neendjila daye. Osheshi omhango otai di muSion nondjovo yOmwene muJerusalem.”

JESAJA 52:15

osho ta ka kumwifa oiwana ihapu, eehamba otadi ke likwata komilungu, da kumwa. Osheshi eshi inave shi hepaululilwa, otave shi mono. Naashi inave shi uda otave ke shi shiiva.

JESAJA 52:10

Omwene okwa holola okwooko kwaye kuyapuki moipafi yoiwana aishe, nominghulo adishe dedu otadi ka mona exupifo laKalunga ketu.

OVAEFESO 3:8

Aame ou omunini ndi dulike kovayapuki aveshe onda pewa efilonghenda eli, okuudifila ovapaani evaengeli loupuna waKristus uhe fi okukonakonwa,

OVAEFESO 1:6

okupandulifa efimano longhenda yaye e i tu pa mOmuholike.

OVAROMA 5:20

Ndelenee omhango oye uya pokati, omatimba opo a ninge mahapu; ndelenee apa omatimba a ninga mahapu, ouyadi wefilonghenda tau monika.

OILONGA YOVAYAPOSTOLI 28:28

Opo nee kaleni mu shi shii: “Exupifo eli laKalunga ola tuminwa ovapaani, ndele vo otave li udu.”

OILONGA YOVAYAPOSTOLI 26:20

ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo.

LUKAS 13:34

“Jerusalem, Jerusalem, ove ou ho dipaa ovaxunganeki noho dipaa nomamanya ovo we va tuminwa, lungapi nda li nda hala okwoongela ovamwoye, ngaashi oxuxwa hai ongele ouxuxwena momavava ayo, ndele nye inamu hala.

MATEUS 9:13

Ndelenee indeni mu ke lilonge kutya, eshi otashi ti shike: ‘Efilonghenda nda hala, hayambo.’ Osheshi inandi uya okwiifana ovayuki, ndelenee ovalunde ovo tuu.”

HOSEA 11:8

Ondi ku efe ngahelipi, Efraim, nondi ku ekeleshi ngahelipi, Israel? Ondi ku efe ngahelipi ngaashi Adma, nondi ku ninge ngahelipi ngaashi Seboim? Omutima wange we lidilulula nolukeno lange lwa penduka.

JESAJA 49:22

Omwene, Kalunga ota ti ngaha: “Tala, eke lange ohandi li twala koiwana, epandela lange ohandi li dikile oilongo, opo nee vo otava ka eta ovamwoye ovamati, novamwoye oukadona otave ke va humbata komapepe.

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

JESAJA 5:4

Onda li ndi nokulonga ngahelipi hano oshikokola shange, oshike inandi shi longela? Osha imina hano shike eeviinyu domofuka, fimbo nda teelela shi ime eeviinyu dinyenye?

OMAPSALOME 67:7

Kalunga ne tu nangeke noupuna. Ndele Oye na tilike fiyo okeexulo adishe dounyuni.