LUKAS 24:44 - Ombibeli Iyapuki

⁴⁴ Ndele Ye okwa tya kuvo: “Oyo ei nda popya meendjovo odo nde di mu lombwelele fimbo nda li punye, eshi nda tile aishe ei ya shangelwa nge momhango yaMoses nomovaxunganeki nomomapsalome oi nokuwanifwa.”

LUKAS 24:44 Referans Kwoze

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

OILONGA YOVAYAPOSTOLI 13:33

okwe li wanifila ovana, ofye tuu ava, eshi e tu nyumunina Jesus. Ngaashi mwa shangwa mEpsalome etivali: ‘Oove Omona wange, onena eli nde ku dala.’

LUKAS 9:22

ndele ta ti: “Omona wOmunhu e na okuhepekwa unene nokweekelwashi kovakulunhu nokovapristeli ovakulunhu nokovanongo vomishangwa, Ye e nokudipawa, ndele efiku etitatu oku nokunyumuka.”

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

EHOLOLO 19:10

Ndele ame onde linyongamena keemhadi daye, ndi mu fimaneke, ndele ye okwa tya kwaame: “Ino shi hetekela, ame ondimupiya mukweni nowovamwaxo, ava ve nehepaululo laJesus; linyongamena Kalunga.” Osheshi ehepaululo laJesus olo omhepo youxunganeki.

OVAHEBERI 10:1

Osheshi omhango, shaashi oyo omudidimbe wongaho wouwa wokomesho, halupe loinima yoovene, itai dulu okuninga ava tava eta omayambo keshe omudo va kale va wana va pwa.

JOHANNES 5:46

Ndelenee ngeno mwa itavela Moses, ngeno mwa itavela nge yo, osheshi Aame tuu ou nda shangwa kuye.

SAKARIA 6:12

mu lombwela u tye: Omwene womatanga ovakwaita osho ta ti: Tala, omulumenhu edina laye Oshitutuma, te uya! Moshififinwa shaye oye ta ka tutuma. Ye ota ka tunga otembeli yOmwene.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 28:16

Onghee hano Omwene Kalunga ota ti ngaha: “Tala, Ame ohandi dikile muSion emanya lekanghameno, emanya la yelekwa, omutwe u nondilo womokolonela, wa dikwa wa pama; ou ta itavele, ita i onhapo.

OMAPSALOME 118:22

Emanya olo ovatungi ve li ekelashi, olo la ninga omutwe wokolonela.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

HESEKIEL 34:23

“Ndele Ame ohandi ke va pendulila omufita umwe, ndele ye ote ke va lifa, nokutya omupiya wange David. Ye ote ke va lifa, ndele ta ka ninga omufita wavo.

JESAJA 52:13

Tala, omupiya wange ota ka kala e na elao, ota ka nenepekwa nokulengwa, ndele ta nenepala.

GENESIS 22:18

Noiwana aishe kombada yedu otai ka nangekwa noupuna molwoludalo loye, osheshi ove wa uda ondaka yange.’ ”

OVAHEBERI 9:8

Osho ngaha Omhepo Iyapuki ta holola ondjila yokuya mouyapukielela inai yeululwa, olupale lotete letwali fimbo li li po.

JOHANNES 5:39

Nye tamu konakona momishangwa, osheshi omu shii nye omu na omwenyo waalushe mudo, ndele odo otadi hepaulula nge;

SAKARIA 14:4

Mefiku tuu olo eemhadi daye tadi kala ofika kOmhunda yEemono i li popepi naJerusalem kombinga yokoushilo. Omhunda yEemono tai ka tukauka pokati koushilo fiyo okouninginino, i ninge efilu linene, ndele ombinga imwe yomhunda tai ka kandukila koumbangalanhu, nombinga ikwao yomhunda koumbuwanhu.

DANIEL 7:13

Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

HESEKIEL 17:22

Omwene Kalunga ta ti ngaha: “Ndele Ame mwene ohandi ka kufa koxulo yomuti mule womusederi okatai, heeno, okoxuloelela omoitai ohandi ka kufa okatai kapu, ndele Ame mwene ohandi ke ka twika komhunda ile noya tumbala.

JEREMIA 23:5

“Taleni, omafiku otae uya, Omwene ta ti, Ame ohandi ka tutumifila David oshitutumine shouyuki, ndele ye ota ka kala ohamba ndele ta ka pangela nounongo, ndele ta diinine osho sha yuka ndele ta wanifa ouyuki moshilongo.

NUMERI 35:25

Neongalo li nokuxupifa ou a dipaa nomake omupuli wetimba, neongalo nali efe a shune moshihondamenolando shaye, omo a ya onhapo. Ndele ye e nokukala ko fiyo okefyo lomupristeli omukulunhu ou a vaekwa nomaadi mayapuki.

NUMERI 21:8

Opo nee Omwene okwa lombwela Moses, ndee ta ti: Liningila eyoka u li endjelelife koshiti. Opo nee keshe umwe ou a lika ndee te li tale, ota ka kala nomwenyo.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

JOHANNES 3:14

Ndele ngaashi Moses a tulika eyoka pombada mombuwa, nosho yo Omona wOmunhu oku nokutulikwa pombada,

LUKAS 24:46

Ndele okwa tya kuvo: “Eshi sha shangwa, Kristus okwa li e nokuhepekwa nokunyumuka koufi efiku etitatu

JEREMIA 33:14

Taleni, omafiku otae uya, Omwene osho ta ti, ondjovo ei iwa nde i udaneka, nda popya eumbo laIsrael neumbo laJuda, ohandi ke i wanifa.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

GENESIS 14:18

Ndele Melkisedek, ohamba yaSalem, omupristeli waKalunga wOkombadambada okwa eta omungome nomaviinyu,

OVAHEBERI 7:1

Osheshi Melkisedek ou, ohamba yaSalem, omupristeli waKalunga wOkombadambada, ou a shakeneka Abraham ndele te mu nangeke noupuna, Abraham eshi a finda eehamba,

OVAHEBERI 3:5

Ndele Moses okwa li omudiinini meumbo laye alishe ngaashi omupiya, opo a kale ondobwedi yoipopiwa yokomesho,

OILONGA YOVAYAPOSTOLI 7:37

Moses tuu ou a lombwela ovana vaIsrael: ‘Kalunga ote mu pendulile movamwaxo omuxunganeki umwe ngaashi ame.’

LUKAS 22:37

Osheshi handi mu lombwele: Omushangwa ou ou nokuwanifilwa mwaame: ‘Ye okwa valulilwa movakolokoshi,’ osheshi aishe inya ya shangelwa nge otai wanifwa.”

LUKAS 21:22

Osheshi omafiku oo oehandu, opo aishe ei ya shangwa i wanifwe.

LUKAS 9:44

“Eendjovo edi di kwateleni momatwi eni. Omona wOmunhu ta yandjwa momake ovanhu.”

MATEUS 26:56

Ndelenee aishe ei oya ningwa, omishangwa dovaxunganeki opo di wanifwe.” Opo nee ovalongwa aveshe ve mu fiya po, ndele va ya onhapo.

MATEUS 26:54

Ndele omishangwa otadi wanifwa ngahelipi ngeno, odo tadi ti, oshi nokuningwa ngaha?”

MATEUS 16:21

Hano okefiku tuu olo Jesus okwa hovela okuhololela ovalongwa vaye nokutya, e nokuya kuJerusalem noku ka hepekwa nomahepeko mahapu kovakulunhu nokovapristeli ovakulunhu nokovanongo vomishangwa nokudipawa nokunyumunwa efiku etitatu.

AMOS 9:11

Mefiku tuu olo ohandi ka dikulula onduda ya nyonauka yaDavid. Ame ohandi ka fitika po omifya dayo nokutungulula omakulukuma ayo, ndele handi ke i tungulula i kale ngaashi ya li mefimbo lonale.

1 PETRUS 1:11

va konakona efimbo lilipi ile la tya ngahelipi Omhepo yaKristus yomuvo ye li hepaulula, eshi va xunganeka okuhepekwa kwaKristus nefimano tali shikula.

OILONGA YOVAYAPOSTOLI 3:18

Ndelenee osho ngaha Kalunga okwa wanifa osho e shi popifa nale omakanya ovaxunganeki aveshe, Kristus e nokuhepekwa.

MARKUS 9:31

Osheshi okwa longa ovalongwa vaye, ndele okwa tya kuvo: “Omona wOmunhu ota ka yandjwa momake ovanhu, ndele ovo tave mu dipaa, ndele eshi a dipawa, ndele tapa piti omafiku atatu, ota ka nyumuka koufi.”

MATEUS 1:22

Ndele eshi ashishe sha ningwa, opo pa wanifwe osho Omwene e shi tongifa omuxunganeki ou ta ti:

OILONGA YOVAYAPOSTOLI 2:27

Osheshi omwenyo wange Ove ito u efele moshovafi nOmuyapuki woye ito mu efa a mone eolelo.

OILONGA YOVAYAPOSTOLI 13:40

Litaleni hano, muha hangike kwaashi sha popiwa kovaxunganeki: