LUKAS 24:36 - Ombibeli Iyapuki

³⁶ Ndele fimbo va tonga odo, Ye mwene okwa kala ofika mokati kavo ndele ta ti kuvo: “Ombili nai kale nanye.”

LUKAS 24:36 Referans Kwoze

2 OVATESSALONIKI 3:16

Ndele Oye, Omwene wombili, ne mu pe ombili alushe opaenghedi adishe. Omwene na kale nanye amushe.

LUKAS 10:5

Ndele ngeenge tamu i meumbo, tyeni tete: ‘Ombili nai kale meumbo eli.’

MARKUS 16:14

Konima okwa holokela ovo omulongo naumwe fimbo ve li omutumba poshililo nokwe va tanguninina okuhaitavela kwavo noukukutu womitima davo, osheshi inava itavela ovo ve mu mona a nyumuka koufi.

JESAJA 57:18

Eendjila davo ondi di wete, ndele Ame handi ke va velula; ndele Ame handi ke va endifa nokupa vali oonakunyikoufiye vaye ehekeleko.

EHOLOLO 1:4

Johannes komaongalo aheyali muAsia: Efilonghenda kunye nombili kwaau e li po, nokwa li po ndee te uya, nokeemhepo odo heyali hadi kala kolukalwapangelo laye,

1 OVAKORINTO 15:5

ndele okwe lihololela Kefas nokonima e lihololela ava omulongo navavali.

JOHANNES 20:26

Ndele pa pita omafiku ahetatu, ovalongwa ova li va ongala vali, naTomas opo a li pamwe navo. Jesus okwe uya oivelo eshi ya hangika ya patwa, ndele ta kala ofika mokati kavo ndele ta ti: “Ombili nai kale nanye.”

JOHANNES 16:33

Oinima ei onde i mu lombwela, mu kale mu nombili mwaame. Mounyuni omu li mo mu noudjuu, ndelenee kaleni nomwenyo muwa, Ame onda finda ounyuni.”

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

MATEUS 10:13

Ndele eumbo olo ngeenge la wana, ombili yeni nai kale mo; ndele ngeenge inali wana, ombili yeni nai shune kunye.

OILONGA YOVAYAPOSTOLI 1:3

konima yomahepeko aye okwe ve lihololela yo nomadidiliko mahapu nokutya, Oye omunamwenyo, eshi e ve limonifila omafiku omilongo ine ndele te va hepaululile oinima youhamba waKalunga.

1 OVAKORINTO 15:7

Ndele okwe lihololela vali Jakob novayapostoli aveshe.