LUKAS 24:27 - Ombibeli Iyapuki

²⁷ Ndele Ye okwa hovela muMoses nomovaxunganeki aveshe, ndele okwe va fatululila adishe de mu tiwa momishangwa adishe.

LUKAS 24:27 Referans Kwoze

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

LUKAS 24:44

Ndele Ye okwa tya kuvo: “Oyo ei nda popya meendjovo odo nde di mu lombwelele fimbo nda li punye, eshi nda tile aishe ei ya shangelwa nge momhango yaMoses nomovaxunganeki nomomapsalome oi nokuwanifwa.”

DEUTERONOMION 18:15

“Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

OILONGA YOVAYAPOSTOLI 10:43

Oye tuu ou ovaxunganeki vonale ve mu hepaulula nokutya: Keshe ou te mu itavele ota mono edimepo lomatimba medina laye.”

JOHANNES 5:39

Nye tamu konakona momishangwa, osheshi omu shii nye omu na omwenyo waalushe mudo, ndele odo otadi hepaulula nge;

JOHANNES 1:45

Ndele Filippus okwa hanga Natanael, ndele ta ti kuye: “Fye otwa mona ou a shangwa kuMoses momhango nokovaxunganeki, Jesus womuNasaret, omona waJosef.”

GENESIS 22:18

Noiwana aishe kombada yedu otai ka nangekwa noupuna molwoludalo loye, osheshi ove wa uda ondaka yange.’ ”

JESAJA 50:6

Ombuda yange onde i yandja kwaava va denga nge, olupanda lange okwaava va denga nge enghava, inandi holeka oshipala shange, inandi shi holekela okushekwa nokufiilwa omate.

LUKAS 24:25

Ndele Ye okwa tya kuvo: “Woo nye, omalai novafi vounye keemwenyo okwiitavela aishe ei ovaxunganeki ve i popya.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

MIKA 7:20

Ove oto ka hololela Jakob oudiinini, nokuhololela Abraham ouwanghenda, ou Ove wa anenene ootatekulu vetu okudja mefimbo lonale.

DANIEL 7:13

Ame onda mona momamoniko oufiku, ndele tala, Umwe a fa omona womunhu e uya moilemo yokeulu, ndele ye okwe uya kOmuxungu ndele ve mu ehenifa koshipala shaye.

OMAPSALOME 132:11

Omwene okwa anena David eano lashili, ite li lundulula, a tya: “Umwe womoludalo loye, onda hala oku mu paka omutumba kolukalwapangelo loye.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

GENESIS 26:4

Ndele Ame ohandi ka hapupalifa oludalo loye li fike peenyofi dokeulu, noludalo loye ohandi ke li pa oilongo ei, nomoludalo loye oiwana aishe yokombada yedu otai ka nangekwa noupuna.

OILONGA YOVAYAPOSTOLI 7:37

Moses tuu ou a lombwela ovana vaIsrael: ‘Kalunga ote mu pendulile movamwaxo omuxunganeki umwe ngaashi ame.’

HESEKIEL 34:23

“Ndele Ame ohandi ke va pendulila omufita umwe, ndele ye ote ke va lifa, nokutya omupiya wange David. Ye ote ke va lifa, ndele ta ka ninga omufita wavo.

HESEKIEL 37:25

Ndele vo otava ka kala medu nde li pele omupiya wange Jakob, mulo ooxekulu yavo va kala. Heeno, vo otava ka kala mulo, novana vavo novatekulu vavo fiyo alushe. Nomupiya wange David ta ka kala ohamba yavo fiyo alushe.

OILONGA YOVAYAPOSTOLI 3:24

Novaxunganeki aveshe, okudja kuSamuel, novapopi aveshe ve mu shikula, kwa li va popya va xunganeka omafiku aa.

OILONGA YOVAYAPOSTOLI 3:22

Osheshi naMoses okwa tile: ‘Omwene Kalunga ote mu pendulile omuxunganeki omoovakweni, ongaashi ame, ye omu noku mu uda moinima aishe te i mu lombwele.

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

EHOLOLO 19:10

Ndele ame onde linyongamena keemhadi daye, ndi mu fimaneke, ndele ye okwa tya kwaame: “Ino shi hetekela, ame ondimupiya mukweni nowovamwaxo, ava ve nehepaululo laJesus; linyongamena Kalunga.” Osheshi ehepaululo laJesus olo omhepo youxunganeki.

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

NUMERI 21:14

Onghee tamu tiwa membo loita yOmwene: “Vaheb muSufa, nomafilu aArnon,

DEUTERONOMION 1:45

Ndele nye mwa aluka, ndele mwa lila koshipala shOmwene, ndelenee Omwene ina pwilikina ondaka yeni ndele ine mu uda.

JESAJA 1:23

Ovakulunhu voye ova ninga ovanandubo novakwao vovalunga; keshe umwe womuvo e hole okupewa ombubo, ndele ta lovelele ondjabi. Eefiye itadi yakulwa, neendjovo dovafiyekadi itadi fiki ko kuvo.

JESAJA 8:17

Ndele ohandi teelele Omwene, ou ta holeke oshipala shaye keumbo laJakob, nonda hala okutula muye eteelelo lange.

JESAJA 9:1

Pomafiku onale okwa etela edu laSebulon nolaNaftali esheko nodino, ndelenee pomafiku okomesho ota ka fimanekifa ondjila yokuya kEfuta Lopokati; nedu lomoshikandjo shaJordan nokuGalilea omo mwa kala ovanailongo.

MIKA 5:6

Ndele edu laAsiria vo otave li lifa neongamukonda, nedu laNimrod poivelo yalo. Osho ngaha ote ke tu mangulula muAsiria, ngeenge te ke uya moshilongo shetu ndele ta lyata edu letu.

MARKUS 4:34

Ndele odo dihe fi domafaneko ine di va lombwela. Ndele ovalongwa vaye okwe va fatululila adishe, eshi ve ke likalela.

JOHANNES 5:37

Ndele Tate ou a tuma nge, Ye okwa hepaulula nge. Onye inamu uda ondaka yaye nande, nye inamu mona olupe laye,

JOHANNES 12:41

Jesaja okwa popya odo eshi a mona oshinge shaye, ndele te mu tongo.

OILONGA YOVAYAPOSTOLI 3:18

Ndelenee osho ngaha Kalunga okwa wanifa osho e shi popifa nale omakanya ovaxunganeki aveshe, Kristus e nokuhepekwa.

OILONGA YOVAYAPOSTOLI 8:35

Opo Filippus okwa hovela okupopya nomokudja meendjovo odo domomishangwa okwe mu udifila evaengeli laJesus.