LUKAS 23:9 - Ombibeli Iyapuki

⁹ Ndele okwe mu pulapula neendjovo dihapu, ndele Oye ine mu nyamukula nande.

LUKAS 23:9 Referans Kwoze

MATEUS 27:14

Ndele Oye ine mu nyamukula nande epulo limwe, opo tuu opo omupangeli okwa kumwa shili.

1 PETRUS 2:23

Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka.

OILONGA YOVAYAPOSTOLI 8:32

Ndele onhele ei yomomishangwa a lesha oyei: “Oye ta ka twalwa koshidipaelo ngaashi odi nongaashi odjona hai limwenenene omukululi wayo, hano osho ngaha naye yo ita makula okanya kaye.

LUKAS 13:32

Ndele Ye okwa tya kuvo: “Indeni mu ka lombwele okavandje oko, mu tye: ‘Tala, onena nomongula handi te mo eendemoni nohandi velula, ndele efiku etitatu ohandi ka hanga efikilo.’

MATEUS 7:6

“Oshiyapuki inamu shi yandja keembwa, noilanda yeni inamu i ekela koingulu, opo efiku limwe ihe mu lyate nomakondo ayo, ndele tai aluka ndele tai mu pombaula.

JESAJA 53:7

Okwa hepekwa shaashi e liyandja Ye mwene, Ye ina makula okanya kaye, ongaashi odjona tai twalwa i ka dipawe, nongaashi odi tai mwenenene omukululi wayo, naye yo ina makula okanya kaye.

OMAPSALOME 39:9

Onda ponga, itandi makula okanya kange, osheshi Oove ou, we shi ninga.

MATEUS 27:12

Ndele ovapristeli ovakulunhu novakulunhu eshi ve mu hokololifa, Oye ina nyamukula sha.

MARKUS 15:5

Ndele Jesus ina nyamukula vali sha, ndele eshi sha kumwifa Pilatus.

LUKAS 23:10

Novapristeli ovakulunhu novanongo vomishangwa ova fikama ndele ove mu pa etimba va fya ouladi.

JOHANNES 19:9

Ndele ta shuna mo vali mongulu yetokolelo ndele ta ti kuJesus: “Ove owa dja peni?” Ndele Jesus ine mu nyamukula nande.