LUKAS 23:43 - Ombibeli Iyapuki

⁴³ Ndele Ye okwa tya kuye: “Oshili handi ku lombwele, onena tuu eli to ka kala pamwe naame moParadisa.”

LUKAS 23:43 Referans Kwoze

EHOLOLO 2:7

“ ‘Ou e nokutwi, na ude eshi Omhepo tai shi lombwele omaongalo. Omufindani ohandi mu pe okulya komuti womwenyo u li moParadisa yaKalunga.’

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

LUKAS 19:10

osheshi Omona wOmunhu e uya okukonga nokuxupifa eshi sha kana.”

OMAPSALOME 32:5

Opo nee onde ku hepaululila omatimba ange, noulunde wange inandi u holeka, nda tya: “Onda hala ndi hepaululile Omwene omanyono ange”; opo ove owa kufila nge po owii womatimba ange. Sela

JOHANNES 14:3

Nande ohandi i ndi ke mu longele onhele, ohandi aluka, ndele handi mu ile, nanye yo mu kale apa Ame ndi li.

OVAHEBERI 7:25

Onghee hano ota dulu yo okuxupifa shili ava tava ehene kuKalunga mokweendela muye, shaashi oku nomwenyo alushe, e va ilikanene.

JOHANNES 17:24

“Tate, onda hala ava wa pa nge, va ka kale apa ndi li, va tale efimano lange eli wa pa nge, osheshi Ove wa kala u hole nge, ounyuni fimbo inau shitwa.

OVAFILIPPI 1:23

Hano handi fininikwa keembinga mbali, onda hala okudja po ndi ka kale puKristus, osheshi osho sha wapalela nge unene;

2 OVAKORINTO 5:8

ndelenee fye otu neyombamo shili notwa djuulukwa okutembuka mo molutu nokufika mombuletu kOmwene.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

JESAJA 65:24

Ndele fimbo inava ifana nge, Ame ohandi ke va itavela, nomanga tava popi, Ame onda uda ko.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

LUKAS 23:42

Ndele okwa tya: “Jesus, dimbulukwe nge, ngeenge wa fiki mouhamba woye.”