LUKAS 23:41 - Ombibeli Iyapuki

⁴¹ Ofye ohatu hepekwa nokuli pauyuki, osheshi hatu pewa osho twe shi lilongela, ndele ou ina longa owii nande owasha.”

LUKAS 23:41 Referans Kwoze

ESRA 9:13

Ndele konima yoinima aishe oyo ye uya kombada yetu molwoilonga yetu ii nomolwombedi yetu inene, osheshi Ove Kalunga ketu ino tu valela pawii wetu twe u lilongela, ndele we tu pa natango ovamangululwa vahapu ve fike opo.

1 PETRUS 1:19

ndelenee onohonde yaKristus i nondilo, ngaashi ei yodjona ihe noshipo noihe nonyata.

MATEUS 27:24

Ndele Pilatus eshi a mona ehe na eshi ta dulu, ndele epiyaano ola ninga linene, okwa kufa omeva ndele okwe likosha komake aye moipafi yongudu ndele ta ti: “Ame nghi netimba lohonde yomulumenhu ou omuyuki. Litaleni nye vene.”

MATEUS 27:4

ndele ta ti: “Ame nda nyona, eshi nda kengelela ohonde ihe netimba.” Ndele vo ova tya: “Otu na shike naave? Likwafa ove mwene!”

JAKOB 4:7

Dulikeni hano kuKalunga, kondjifeni Satana, ndele ye te mu i onhapo.

MATEUS 27:54

Ndele omunefele a nangela Jesus pamwe navo, eshi va mona ekakamo ledu naaishe ei ya ningwa po, ova tila unene ndele tava ti: “Oshili ou okwa li Omona waKalunga.”

MATEUS 27:19

Ndele fimbo a li omutumba kolukalwatokolo, omwalikadi waye okwa tuma kuye ndele ta ti: “Omulumenhu ou omuyuki ino mu ningila owii, osheshi ame onde mu ehamenwa shili oufiku wonena mondjodi.”

DANIEL 9:4

Ndele ame onda ilikana Omwene, Kalunga kange, ndele nda hepaulula nda tya: “Akutu Omwene, Kalunga kanene nowa tilika, Ove ou to diinine ehangano nouwanghenda kwaava ve ku tila nokuwanifa oipango yoye.

NEHEMIA 9:3

Ndele va kala ofika peenhele davo ndele va leshelwa membo lomhango yOmwene Kalunga kavo mokafimbo okatine komefiku, ndele va hepaulula omatimba nokwiilikana Omwene Kalunga kavo mokafimbo okatine komefiku.

2 OMAFIMBO 33:12

Ndelenee moudjuu waye okwa konga onghenda koshipala shOmwene Kalunga kaye nokwe lininipika shili koshipala shaKalunga kooxe,

LUKAS 23:40

Ndele mukwao okwa nyamukula e mu hanyena, ta ti: “Iho tila nande Kalunga, eshi u li mehandukilo eli li fike pamwe?

LUKAS 23:42

Ndele okwa tya: “Jesus, dimbulukwe nge, ngeenge wa fiki mouhamba woye.”

1 OVATESSALONIKI 2:10

Onye naKalunga eendobwedi, nhumbi twa kala mouyapuki nomouyuki ndele tuhe noshipo mokati keni nye ovaitaveli,

1 PETRUS 2:23

Ye ina tuka eshi a tukwa noina handuka, eshi a hepekwa, ndelenee e liyandja kwaau ta tokola sha yuka.