LUKAS 23:35 - Ombibeli Iyapuki

³⁵ Ndele ovanhu ova kala ofika opo ve mu tala. Novakulunhu yo ove mu kenya va tya: “Okwa li ha kwafa vamwe, ne likwafe hano, ngeenge Oye Kristus yaKalunga, omuhoololwa ou.”

LUKAS 23:35 Referans Kwoze

OMAPSALOME 22:17

Omakipa ange aeshe ohandi shiiva oku a vala, ovo tava tale nge noku shi hafela.

JESAJA 42:1

Tala, omupiya wange, ou handi mu yambidida, omuhoololwa wange, ou omwenyo wange we mu hokwa. Ame onda tula Omhepo yange muye, oye ta ka tandavelifa ouyuki moiwana.

1 PETRUS 2:4

Ileni kuye, okemanya li nomwenyo, la ekelwashi kovanhu, ndelenee la hoololwa kuKalunga, li nondilo,

LUKAS 16:14

Ndele Ovafarisai venya va li ve hole oimaliwa, ove di uda adishe, ndele ove mu kenya.

MATEUS 12:18

“Tala, omunhu wange, nde mu hoolola, omuholike wange, ou omwenyo wange we mu hokwa; Ame ohandi mu tula Omhepo yange, oye ndele ta udifile ovapaani etokolo la yuka.

JESAJA 53:3

Ye okwa li a dinika, okwa li a efiwa kovanhu, omulumenhu womaluhodi nomwiiki wouyehame, heeno, ngaashi umwe molwaye aveshe ova uvika oipala yavo, vehe mu tale; Ye omudinwa ndele Ye otwe mu tala a fa oshinima shongaho.

MATEUS 3:17

Ndele tala, ondaka ya dja meulu ndele tai ti: “Ou Omona wange omuholike, onde mu hokwa.”

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

OMAIMBILOKEMO 3:14

Ame onda ninga oshiyolifa koshiwana shange ashishe, eimbilosheko omutenya aushe.

JESAJA 49:7

Omwene Omukulili waIsrael, Omuyapuki waye ota lombwele ou a dinwa shili, ou a tondwa kovanhu, ou omupiya wovapangeli: “Eehamba otadi ke shi mona, ndele tadi kala ofika, novapangeli otave ke linyongamena omolwOmwene ou omudiinini,” omolwOmuyapuki waIsrael, ou e ku hoolola.

OMAPSALOME 71:11

ndele tava ti: “Kalunga okwe mu efa; mu shikuleni, nye mu mu kwate, osheshi ke na omupopili.”

OMAPSALOME 69:26

Osheshi otava taataa ou, a dengwa kwoove mwene, nouyehame weendjashe da yashwa kwoove, otau va popyaanifa.

OMAPSALOME 35:15

Ndele paife, ame eshi nda punduka, otashi va hafifa, ndele tave liongelele nge, ve lipaka kumwe ngaashi ovakalakali ava ndihe va shii, navo otava shashaula nge, itava fuda po nande.

OMAPSALOME 4:2

Ovalumenhu nye, fiyo onaini tamu ka shekifa efimano lange? Fiyo onaini mu hole oinima yongaho nokukonga oipupulu? Sela

LUKAS 23:13

Opo Pilatus okwa ifana ovapristeli ovakulunhu novakulunhu voshilongo nongudu yovanhu

LUKAS 23:39

Ndele umwe womovakolokoshi ovo va endjelela okwe mu sheka ndele ta ti: “Ove ku fi Kristus, likwafa, ove u tu kwafe yo.”