LUKAS 23:34 - Ombibeli Iyapuki

³⁴ Ndele Jesus okwa tya: “Tate, va dimina po, osheshi kave shi shii eshi tava ningi.” Vo ova tukulilafana oikutu yaye ndele tave i nyanekele.

LUKAS 23:34 Referans Kwoze

MATEUS 5:44

Ndelenee Ame ohandi mu lombwele: Holeni ovatondi veni, ilikaneneni ovahepeki veni;

OILONGA YOVAYAPOSTOLI 7:60

Ndele ye okwa twa eengolo ndele ta ingida mokule unene: “Omwene, etimba eli ino li va valulila”. Ndele eshi e di tya, okwa kofa po nee.

1 PETRUS 3:9

Inamu alulilafana owii netukano, ndelenee nangekafaneni noupuna, ngaashi mwa ifanwa mu fyuulule enangeko noupuna.

OVAROMA 12:14

Nangekeni noupuna ava tave mu taataa. Nangekeni noupuna, nye inamu finga.

1 OVAKORINTO 2:8

Ounongo ou inau shiivika kovapangeli vefimbo lounyuni ou, osheshi ngeno okwa li ve u shii, ngeno Omwene woshinge inave mu valela komushiyakano,

OMAPSALOME 22:18

Omidjalo dange otave di litukulile, notava umbile elwakani lange oshihoololifo.

GENESIS 50:17

nye omu na okulombwela Josef tamu ti: ‘Akutu, tu fila onghenda. Dima po etauluko lovamwaxo netimba lavo, eshi ve ku ningile nai.’ Ndelenee paife, tu dimina po etauluko letu, fye ava ovapiya vaKalunga kaxo.” Ndele Josef okwa lila, eshi va popya naye.

JESAJA 53:12

Onghee hano ohandi mu pe oshitukulwa mokati kovanenenhu, ndele ta ka tukula oshihakanwa pamwe novanaenghono, osheshi okwa yandja omwenyo waye mefyo nokwa valulilwa movakolokoshi, okwa humbata omatimba avahapu nokwa ilikanena ovanyoni.

1 TIMOTEUS 1:13

ame ou nda li nale omusheki nomutaataai nomuhepeki. Ndele onda filwa onghenda, osheshi ame nde shi ningile mokuhashiiva sha nomokuhaitavela.

OILONGA YOVAYAPOSTOLI 3:17

“Ndelenee paife, ovamwatate, ondi shi shii nye omwe shi ninga mokuhashiiva sha kweni, onye ngaashi novakulunhu veni yo.

1 OVAKORINTO 4:12

ohatu lihepeke nokulikwafa nomake etu. Ohatu popiwa nai, ndele ohatu nangeke noupuna; hatu tewatewa, ndele fye ohatu lididimike;

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

JOHANNES 19:11

Jesus okwa nyamukula: “Eenghono dokutokola nge ngeno ku di pelwe da dja kombada, ngeno ku di kwete. Onghee hano ou a yandja nge kwoove, oye e netimba li dule loye.”

MARKUS 15:24

Opo nee ove mu valela komushiyakano, ndele vo va tukulilafana oikutu yaye noku i umbila oshihoololifo, kutya otai ningi yalye nalye.

MATEUS 11:26

Heeno, Tate, osheshi osho tuu ngaha she ku wapalela.

LUKAS 22:42

ta ti: “Tate, ngeenge wa hala kufe nge eholo eli, ndele hahalo lange, ndelenee oloye.”

JOHANNES 17:9

“Ovo ohandi va ilikanene, itandi ilikanene ounyuni ou, ndelenee ovava wa pa nge, osheshi vo ovoye.

OILONGA YOVAYAPOSTOLI 16:28

Ndele Paulus okwa popya mokule ta ti: “Ino liningila owii nande owasha, fye atushe omo tu li.”