LUKAS 23:27 - Ombibeli Iyapuki

²⁷ Nongudu inene yovanhu oye mu shikula, ovakainhu yo ovo tave mu kwenaukile notave mu lilile.

LUKAS 23:27 Referans Kwoze

LUKAS 8:52

Ndele aveshe ova lila noku mu kwenaukila. Ye okwa tya: “Inamu lila, inaka fya, oka kofa po.”

LUKAS 8:2

ngaashi yo ovakainhu vamwe ava va li ve neemhepo dii nomaudu, ndele ova li va velulwa: Maria ou a ifanwa Magdalena, mwaau eendemoni heyali da tewa mo,

MARKUS 15:40

Ndele okwa li yo ovakainhu va li ofika kokule tava tale. Mokati kavo omwa li Maria Magdalena naMaria, ina yaJakob munini naJoses naSalome,

LUKAS 23:55

Novakainhu venya va dile naye kuGalilea, ove mu shikula, ndele ova tala ombila noshimhu nhumbi sha nangekwa mo.

MATEUS 27:55

Ndele koima oko okwa li ku novakainhu vahapu, va dile kuGalilea ovo va shikulile Jesus nove mu yakulile; ova kala ofika kokule, ndele tave mu tale.

OMAPSALOME 22:17

Omakipa ange aeshe ohandi shiiva oku a vala, ovo tava tale nge noku shi hafela.

MATEUS 11:17

ndele tava ti: ‘Ofye otwe mu shikila eenyalilo, nye inamu tutula oudano, notwa imba omaimbilo eenghali, ndele onye inamu lila.’

LUKAS 23:28

Ndelenee Jesus okwa punguluka ndele ta ti kuvo: “Oukadona nye Ovajerusalem, inamu lila nge, lililileni nye vene, nye mu lilile ovana veni.

JOHANNES 16:20

Oshilishili handi mu lombwele: otamu kala nokulila nokunyemata, ndele ounyuni otau hafe. Onye tamu kala nokunyika oluhodi, ndelenee oluhodi leni tali ka shituka ehafo.