LUKAS 22:70 - Ombibeli Iyapuki

⁷⁰ Ndele vo aveshe ova tya: “Oove hano Omona waKalunga?” Ye okwa tya kuvo: “Heeno, Aame ou, ngaashi tamu ti.”

LUKAS 22:70 Referans Kwoze

LUKAS 23:3

Pilatus okwe mu pula ndele ta ti: “Oove ohamba yOvajuda?” Ye okwe mu nyamukula ta ti: “Heeno ngaashi to ti.”

MARKUS 15:2

Ndele Pilatus okwe mu pula: “Oove ohamba yOvajuda?” Ye okwe mu nyamukula ta ti: “Heeno, ngaashi to ti.”

MATEUS 27:11

Ndele Jesus okwa li ofika koshipala shomupangeli. Omupangeli okwe mu pula ndele ta ti: “Oove tuu ohamba yOvajuda?” Jesus okwa tya: “Heeno, ngaashi to ti.”

MATEUS 26:64

Jesus okwa tya kuye: “Ove we shi tya. Ndele ohandi mu lombwele: onena eli otamu ka mona Omona wOmunhu ta kala omutumba kolulyo lEenghono ndele te uya, ta ende kombada yoilemo yokeulu.”

JOHANNES 19:7

Ovajuda ova tya kuye: “Fye otu nomhango ndele omhango otai mu pe etimba lokufya, osheshi ote liningi Ye mwene Omona waKalunga.”

JOHANNES 18:37

Opo Pilatus okwa tya kuye: “Oove ohamba nokuli?” Jesus okwa nyamukula: “Heeno, ngaashi to ti, Aame ohamba. Onghee nda dalwa nde uya mounyuni ou, ndi hepaulule oshili. Keshe ou womoshili, ye ota udu ondaka yange.”

JOHANNES 10:36

nena otamu ti ngahelipi kwaau, Xe e mu yapula nokwe mu tuma mounyuni: to sheke, shaashi nda tya: Aame Omona waKalunga?

JOHANNES 10:30

Ofye naTate umwe.”

JOHANNES 1:49

Natanael okwa tya kuye: “Rabbi, Oove Omona waKalunga, Oove ohamba yaIsrael.”

JOHANNES 1:34

Ndele ame nde shi mona, ndele handi hepaulula nokutya, Oye Omona waKalunga.”

LUKAS 4:41

Ndele eendemoni oda dja mo muvahapu, oda ingida tadi ti: “Oove Omona waKalunga.” Ye okwe di hanyena, Ye ina efa di popye, osheshi oda li di mu shii nokutya, Oye Kristus.

MARKUS 14:62

Opo nee Jesus okwa tya: “Heeno, Aame. Ndele otamu ka mona Omona wOmunhu e li omutumba kolulyo aKalunga, ndele te uya ta ende moilemo yeulu.”

MATEUS 27:54

Ndele omunefele a nangela Jesus pamwe navo, eshi va mona ekakamo ledu naaishe ei ya ningwa po, ova tila unene ndele tava ti: “Oshili ou okwa li Omona waKalunga.”

MATEUS 27:43

Oye okwe lineekela Kalunga; Kalunga ne mu xupife hano paife, ngeenge okwe mu hokwa; osheshi Oye mwene okwa tile: Aame Omona waKalunga.”

MATEUS 4:3

Ndele omuhongauli okwe uya kuye ndele ta ti kuye: “Oove ngeenge Omona waKalunga, lombwela hano omamanya aa a shituke omingome.”

MATEUS 3:17

Ndele tala, ondaka ya dja meulu ndele tai ti: “Ou Omona wange omuholike, onde mu hokwa.”

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

OMAPSALOME 2:7

Onda hala okushiivifa omhangela yOmwene. Oye a tya kwaame: “Oove Omona wange, onena tuu eli nde ku dala.

MATEUS 26:25

Ndelenee Judas, ou e mu kengelela, okwa nyamukula ta ti: “Omuhongi, haame ndishi?” Oye ta ti kuye: “Ove we shi tya.”

LUKAS 22:71

Vo ova tya: “Ondobwedi ilipipo hatu pumbwa vali? Ofye vene twe di uda mokanya kaye mwene.”