LUKAS 21:36 - Ombibeli Iyapuki

³⁶ Pashukeni hano omafiku aeshe nokwiilikana, mu mone eenghono okuya onhapo ei aishe tai ka ningwa, nokukala ofika koshipala shOmona wOmunhu.”

LUKAS 21:36 Referans Kwoze

1 JOHANNES 2:28

Ndele paife ovamwange, kaleni muye, opo fiku ta holoka, fye tu kale neyombamo, tuha fifwe ohoni nokutewa po kuye omokwaaluka kwaye.

1 PETRUS 5:8

Kaleni mu nelidiliko nomwa pashuka, omutondi weni, Satana, ohe mu dingilile ngaashi onghoshi hai kumbu, nota kongo ou te mu xwake po.

MATEUS 25:13

Kaleni hano oupafi, osheshi inamu shiiva efiku notundi.

MATEUS 24:42

Opo nee hano kaleni oupafi, osheshi kamu shi shii efiku lilipipo Omwene weni te uya.

1 PETRUS 4:7

Ndelenee exulilo loinima aishe oli li popepi; kaleni hano mu nelididimiko nelidiliko mu shiive okwiindila.

1 OVAKORINTO 16:13

Kaleni oupafi, mwa pama meitavelo, ovalumenhwelela, mwa pamenena.

LUKAS 18:1

Ndelenee Ye okwe va lombwela efaneko nhumbi ve nokwiilikana vaha loloke,

MARKUS 13:33

Kaleni mwa lungama, pashukeni nye mu ilikane, osheshi inamu shiiva efimbo olo onaini tali uya.

JUDAS 1:24

Ndelenee Oye ou ta dulu oku mu amena, muha punduke note mu kaleke mehafo koshipala shoshinge shaye, muhe noshipo,

MATEUS 26:41

Kaleni oupafi, nye mu indile, muha hangike komahongaulo; omhepo oya hala, ndele ombelela i noungone.”

MALAKIA 3:2

Ndelenee olyelye ta dulu okulididimika efiku leuyo laye? Ndele olyelye ta dulu okukala po, Ye eshi ta holoka? Osheshi Ye e li ngaashi omundilo womeleva lomuhambwidi nongaashi ofewa yomukoshi.

1 OVATESSALONIKI 5:17

Ilikaneni muhe nedimbuko.

MARKUS 13:37

Osho handi shi mu lombwele, ohandi shi lombwele aveshe: kaleni oupafi.”

2 TIMOTEUS 4:5

Ndelenee ove kala omulidiliki moinima aishe, humbata oudjuu, longa oshilonga shomuudifi wevaengeli, wanifa nawa oshilongayakulo shoye.

OVAKOLOSSI 4:2

Diinineni mokwiilikana nokukala mo oupafi nokupandula,

OILONGA YOVAYAPOSTOLI 10:2

Ye okwa li omuyuki, ha tila Kalunga pamwe neumbo laye alishe, ndele ha pe ovanhu oikwafa ihapu, ndele ta diinine okwiilikana Kalunga.

OMAPSALOME 1:5

Onghee ovahenakalunga metokolo itava ka kanghama mo, novalunde itava kala mo meongalo lovayuki.

JOB 27:10

Ile ta dulu tuu okuhafela Omunaenghono adishe nokwiifana Kalunga efimbo keshe?

LUKAS 20:35

Ndele vo otava talwa va wapala okuya mefimbo lounyuni linya nomenyumuko lokovafi, ihava hombola nongaashi ihava hombolwa.

JEREMIA 35:19

onghee hano Omwene womatanga ovakwaita, Kalunga kaIsrael, ota ti: Mepata laJonadab, omona waRekab itamu ka pumba omulumenhu ou ta ka kala ofika koshipala shange fiyo alushe.”

MATEUS 8:20

Ndele Jesus okwa tya kuye: “Eembadje odi nomakwena, needila dokeulu odi noihadi, ndele Omona wOmunhu ke na apa ta wilike omutwe waye.”

MATEUS 24:43

Ndelenee kaleni hano mu shi shii, mwene weumbo ngeno e nowino, efimbo lilipi omulunga te uya, ngeno ta pashukile eumbo laye liha teywe.

MATEUS 24:44

Onghee hano nanye yo kaleni mwe lilongekida, osheshi Omona wOmunhu ote uya efimbo tuu olo inamu mu teelela.”

LUKAS 1:19

Ndele omweengeli okwe mu nyamukula ta ti: “Aame Gabriel, ou handi kala ofika koshipala shaKalunga, ndele onda tumwa ndi ku popife, ndi ku udifile ondaka ei yehafo.

LUKAS 21:35

osheshi olo otali hange aveshe ava hava kala kombada yedu alishe.

2 OVAKORINTO 4:14

eshi tu shi shii nokutya, ou a nyumuna Omwene Jesus, Oye te tu nyumuna yo pamwe naJesus, ndele ote ke tu kaleka ofika pamwe nanye.

EHOLOLO 6:17

shaashi efiku linene lehandu lavo ole uya, olyelye ta dulu okukala po ofika?”

EHOLOLO 7:9

Konima yoinima ei onda mona, ndele tala, ongudu inene ya nyengana okuvalwa yomoiwana aishe nomomaludi aeshe novomovanhu aveshe novomomalaka aeshe; vo ova li ofika va taalela olukalwapangelo nOdjona, va djalekwa oikutu itoka to, ndele va li ve kwete oivale yomilunga momake avo.

EHOLOLO 8:2

Ndele onda mona ovaengeli venya vaheyali va kala ofika koshipala shaKalunga, ova pewa omanghuma aheyali.

EHOLOLO 11:4

Ava ovo omalumono avali noixwekelwashela ivali, i li ofika koshipala shOmwene wedu.