LUKAS 21:25 - Ombibeli Iyapuki

²⁵ “Nomadidiliko taa ka monika metango nomohani nomeenyofi, noiwana yokombada yedu tai pangelwa koutile noihe neteelelo lasha omolwengungumo lefuta nolomakufikufi alo.

LUKAS 21:25 Referans Kwoze

JESAJA 13:10

Osheshi eenyofi dokeulu neenyofi daOrion daye itadi yela vali nokuminikila, netango otali laula mokupita kwalo, nohani itai yandje vali ouyelele wayo.

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

JESAJA 24:23

Ndele ohani otai ka tilyana netango otali ka fyohoni, osheshi Omwene womatanga ovakwaita, Oye ohamba yokupangela komhunda yaSion nomuJerusalem, nomoipafi yovakulunhu vaye oshinge shaye tashi ka vema.

EHOLOLO 20:11

Ndele onda mona olukalwapangelo linene litoka nomukalimutumba mulo, Oye ou edu neulu la ya onhapo oshipala shaye, ndele ina monikila vali onhele.

OILONGA YOVAYAPOSTOLI 2:19

Ndele handi holola oikumwifa pombada keulu nomadidiliko kombada yedu: ohonde nomundilo noilemo yomwifi.

JESAJA 51:15

Ndelenee Aame Omwene Kalunga koye, handi tukulukifa efuta, opo omakufikufi alo a ngungume. Edina laye olo Omwene Kalunga komatanga ovakwaita.

MARKUS 13:26

Opo nee vo otava mono Omona wOmunhu te uya moilemo neenghono dinene noshinge.

MARKUS 13:24

“Ndele momafiku enya oudjuu winya ngeenge wa xula po, etango tali laula nohani itai eta ouyelele wayo,

MATEUS 24:29

“Ndele oudjuu womafiku oo otau shikulwa diva kelauliko letango, nohani itai yela vali, neenyofi otadi u meulu, neenghono domeulu otadi kakamifwa.

OMAPSALOME 46:3

nande omakufikufi naa lundumuke pombada, notaa tutuma onhutu, neemhunda nande nadi kakamifwe kendundumo lao. Sela

MARKUS 15:33

Ndele otundi onhihamano omilaulu da tuvikila edu alishe fiyo otundi onhimugoi.

JEREMIA 4:23

Onda tala edu, ndelenee tala, ola dundakana, nola li lihe na sha, nokeulu yo, ndelenee lo la li lihe nouyelele.

JESAJA 5:30

Ndele mefiku tuu olo venya otava ka ngunguma kombada yavo ngaashi engungumo lefuta. Opo nee otapa talwa medu, ndele tala, oku na omulaulu auke noudjuu womeni; nouyelele wa laulikwa koilemo yao.

MATEUS 27:45

Ndele potundi onhihamano opa ninga omilaulu moshilongo ashishe, fiyo opotundi onhimugoi.

MIKA 7:4

Ou muwa unene muvo, oku li ngaashi ekiya, nomuyuki waaveshe, oye mwii e nonhele i dule ongubu yomano. Efiku la popiwa kovanangeli voye, efiku longhone otali uya. Okupiyaanekwa kwavo otaku va hange.

JESAJA 17:12

Woo euyaano loiwana ihapu, ngaashi engungumo lefuta, osho hava uyaana! Neweelelo loiwana ngaashi engungumo lomeva manenenene, osho hava uyaana!

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

LUKAS 21:26

Ndele ovanhu tava fi kehaluko mokutila nomokuteelela ei tai hange edu alishe, osheshi eenghono domeulu otadi ka kakama.