LUKAS 20:25 - Ombibeli Iyapuki

²⁵ Opo Ye okwe va lombwela: “Peni hano omukesari osho shomukesari, naashi shaKalunga, shi peni Kalunga.”

LUKAS 20:25 Referans Kwoze

1 OVAKORINTO 10:31

Onghee hano ngeenge tamu li ile tamu nu, ile keshe tuu eshi tamu shi ningi, ashishe shi ningeni okufimanekifa Kalunga.

OILONGA YOVAYAPOSTOLI 5:29

Ndele Petrus novayapostoli vakwao ova nyamukula tava ti: “Okudulika kuKalunga ku dule okudulika kovanhu.

MARKUS 12:17

Opo nee Jesus okwa tya kuvo: “Eshi shomukesari, shi peni omukesari, naasho shaKalunga, shi peni Kalunga.” Ndele vo ova kala ve mu kuminwa shili.

MATEUS 22:21

Ovo va nyamukula: “Olomukesari.” Opo nee Ye ta ti kuvo: “Hano osho shomukesari, shi peni omukesari, naasho shaKalunga, shi peni Kalunga.”

MATEUS 17:27

Ndelenee opo tuhe va handukife, inda hano komunghulo wefuta ove u ekele mo ondjolo. Kufa oshi ei to yulu tete, ndele ngeenge wa makula okanya kayo, oto mono mo osekeli yoshisiliveli. Shi kufa mo u shi va pe omolwetu naave.”

OMAYELETUMBULO 24:21

Omumwange, tila Omwene nohamba, ino litula povakolokoshi.

1 PETRUS 4:11

Ou ta popi, na popye ngaashi eendjovo daKalunga; ou ha yakula, ne shi ninge keenghono te di pewa kuKalunga; Kalunga opo a fimanekwe moinima aishe omolwaJesus Kristus. Oye e nefimano neenghono fiyo alushe. Amen.

LUKAS 20:24

“Ulikilei nge ombongo. Efano eli neshangelo eli olalyelye?” Vo ova tya: “Olomukesari.”