LUKAS 2:9 - Ombibeli Iyapuki

⁹ Ndele omweengeli wOmwene e uya noshinge shOmwene she va minikila, ndele vo ova haluka nehaluko linene.

LUKAS 2:9 Referans Kwoze

JESAJA 60:1

Fikama, yela, osheshi ouyelele woye tau uya noshinge shOmwene tashi ku tendele.

2 OVAKORINTO 3:18

Ndelenee atushe ava hatu tale noipala ya tuvikululwa oshinge shOmwene, ngaashi moshitengelelo, ohatu shituka tu fe efano tuu olo omoshinge okoshinge, ngaashi Omwene Oye ou Omhepo ta shitulula.

EHOLOLO 18:1

Konima yaashi onda mona omweengeli umwe a kuluka meulu, e nepangelonghono linene, edu ola yela koshinge shaye.

OILONGA YOVAYAPOSTOLI 27:23

Osheshi oufiku wonena pwaame opa li omweengeli waKalunga ou e kwete nge, naau handi mu kalele yo,

1 EEHAMBA 8:11

Onghee hano ovapristeli inava dula okuwanifa eyakulolonga lavo omolwoshilemo. Osheshi oshinge shOmwene sha yadifa ongulu yOmwene.

OILONGA YOVAYAPOSTOLI 5:19

Ndelenee oufiku omweengeli wOmwene okwa yeulula oivelo yodolongo, okwe va pitifa mo ndele ta ti:

JOHANNES 12:41

Jesaja okwa popya odo eshi a mona oshinge shaye, ndele te mu tongo.

LUKAS 24:4

Ndele opa ningwa eshi va li po va limbililwa, tala, ovalumenhu vavali, va djala oikutu tai vilima ova kala ofika puvo.

EXODUS 16:7

Nongula inene tamu ka mona oshinge shOmwene, shaashi Ye okwa uda okutangunina kweni Omwene, osheshi fye ovashike mbela mu tu tangunine?”

EHOLOLO 20:11

Ndele onda mona olukalwapangelo linene litoka nomukalimutumba mulo, Oye ou edu neulu la ya onhapo oshipala shaye, ndele ina monikila vali onhele.

OVAHEBERI 12:21

Nemoniko eli ola li oixuna yongaho, la tongifa Moses ta ti: “Ohandi tila unene nohandi kakama.”

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

OILONGA YOVAYAPOSTOLI 12:7

Ndele tala, omweengeli wOmwene okwa kala ofika puye, nouyelele wa minikila modolongo, omweengeli okwa twa Petrus molupati, e mu pendula, ta ti: “Fikama diva!” Omalyenge a wa ko komaoko aye.

LUKAS 1:28

Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”

MATEUS 1:20

Ndelenee eshi kwa li ta diladila ngaha, tala, omweengeli wOmwene okwe mu holokela mondjodi ndele ta ti: “Josef, omona waDavid, ino tila okweeta kwoove Maria, omukainhu woye, osheshi oufimba ou e u kwete owOmhepo Iyapuki.

HESEKIEL 3:23

Ame nda fikama ndele handi i kolufilu; ndele tala, oshinge shOmwene osha li ko ofika, ngaashi oshinge nde shi mwene pomulonga waKebar. Ndele ame nda wila po eombe.

JESAJA 40:5

Ndele oshinge shOmwene otashi ke liholola, nombelela aishe otai ke shi mona, osheshi okanya kOmwene osho ka popya.”

JESAJA 35:2

otai ka eta eenhemo nokuhafa, heeno, tai nyakukwa nokukuwilila pombada. Otai pewa oshingefimano shaLibanon, ndele tai mono ewapalo laKarmel nolaSaron. Otava kala nokutala oshinge shOmwene newapalopuna laKalunga ketu.

EXODUS 16:10

Ndele Aron eshi a mana oku di popya keongalo alishe lOvaisraeli, vo ova taalela langhele kombuwa, opo tuu opo oshinge shOmwene sha monika moshilemo.

LUKAS 2:8

Ndele oko kwa li ovafita va nangela oimuna yavo oufiku moixwa.