LUKAS 2:14 - Ombibeli Iyapuki

¹⁴ “Efimano olaKalunga mokombadambada nombili kombada yedu movanhu e va hokwa.”

LUKAS 2:14 Referans Kwoze

OVAROMA 5:1

Hano eshi twa yukipalifwa keitavelo, otu nombili naKalunga molwOmwene wetu Jesus Kristus,

LUKAS 19:38

ndele tava ti: “Na nangekwe noupuna ohamba, ou te uya medina lOmwene, ombili omeulu nefimano opombada.”

OVAKOLOSSI 1:20

ndele mokuninga ombili omolwohonde yomushiyakano waye ohandi ti: molwaye a hanganife aishe muye naai yokombada yedu naainya yomeulu.

LUKAS 1:79

li tu minikile ava hatu kala omutumba momulaulu nomomudidimbe wefyo, ndele li yukifile eemhadi detu mondjila yombili.”

EHOLOLO 5:13

Ndelenee oshishitwa keshe shomeulu noshokombada yedu noshokoshi yedu noshokombada yefuta, nakeshe eshi shi li mo, onde shi uda sha tya: “Kwaau e li omutumba kolukalwapangelo nokOdjona, ehambelelo nefimaneko nefimano neenghono fiyo alushe.”

JESAJA 57:19

Ame ohandi shiti oshiimati shomilungu; ombili, heeno, ombili kwaava vokokule nokwaava vopopepi, Omwene ta ti; ndele ohandi ke va velula.

OILONGA YOVAYAPOSTOLI 10:36

Eendjovo odo e di tumina ovana vaIsrael noku va udifila eenghundana diwa dombili yomuJesus Kristus, ou Omwene waaveshe,

JOHANNES 17:4

Ame onde ku fimanekifa kombada yedu mokuwanifa oshilonga eshi we shi pele nge, ndi shi longe.

2 OVATESSALONIKI 2:16

NOmwene wetu Jesus Kristus Oye mwene naKalunga Tate yetu ou a kala e tu hole nokwe tu pa monghenda ehekeleko laalushe neteelelo liwa,

OVAFILIPPI 2:11

nelaka keshe li nokufimaneka Kalunga Xe nokuhepaulula, kutya Jesus Kristus Oye Omwene.

LUKAS 3:22

nOmhepo Iyapuki ya fa onghuti Oye mu kulukila nondaka ya dja meulu tai ti: “Oove Omona wange omuholike, onde ku hokwa.”

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

JESAJA 49:13

Akutu omaulu, nyakukweni, naave, edu kuwilila, nanye eemhunda, hafeni pombada, osheshi Omwene ota hekeleke oshiwana shaye, ndele ta file ovafininikwa vaye onghenda.

OVAEFESO 1:9

eshi e tu shiivifila oshiholekwa shehalo laye opahokwe yaye iwa ei, e i pangela muKristus,

OVAEFESO 1:6

okupandulifa efimano longhenda yaye e i tu pa mOmuholike.

JESAJA 44:23

Akutu nye omaulu, nyakukweni, osheshi Omwene okwe shi ninga, kuwilileni pombada, onye eembwili domedu, hafeni pombada, onye eemhunda nomifitu nomiti adishe di li mo. Osheshi Omwene okwa kulila Jakob ndele te ke lifimanekifila Israel.

OVAFILIPPI 2:13

osheshi Kalunga Oye tuu ha longo munye okuhala nokulonga pahokwe yaye.

OVAEFESO 2:7

opo a holole momafimbo okomesho oupuna wefilonghenda laye uhe nondjele mouwa waye kufye muKristus Jesus.

OVAEFESO 2:4

Ndelenee Kalunga ou a yada efilonghenda omolwohole yaye inene a kala e tu hole,

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

JOHANNES 3:16

Osheshi osho Kalunga a kala e hole ounyuni, Oye a yandja Omona waye Ewifa, opo keshe ou te mu itavele aha kane, ndelenee a kale e nomwenyo waalushe.

MIKA 5:5

Ndele Ye ota ka kala nombili. Asiria ngeenge te uya moshilongo shetu, ndele a hala okuuya mo meengulu detu doupuna, fye ohatu tula po ovafita vaheyali novakulunhu vahetatu vomovanhu.

LUKAS 2:13

Ndelenee ohaluka, pomweengeli opa holoka ongudu inene yovakwaita vomeulu, ova hambelela Kalunga tava ti:

LUKAS 2:15

Ndele ovaengeli eshi va dja po puvo va shuna meulu, ovafita ova tongafana tava ti: “Tu yeni hano kuBetlehem tu ka tale eshi sha ningwa ko, Omwene e shi tu hololela.”