LUKAS 19:42 - Ombibeli Iyapuki

⁴² ndele ta ti: “Ngeno mefiku eli ove wa koneka osho sha wapalela ombili yoye, ndelenee paife eshi sha holekwa omesho oye.

LUKAS 19:42 Referans Kwoze

DEUTERONOMION 32:29

Vo ngeno ovanaendunge, ngeno ve shi shiiva, vo va diladile exulilo lavo.

OVAHEBERI 3:15

Eshi tapa tiwa: “Nena eli ngeenge tamu udu ondaka yaye, inamu kukutika omitima deni ngaashi sha ningilwe meluliko.”

JESAJA 48:18

Akutu, ngeno ove wa li wa diinina oipango yange, ngeno ombili yoye oya kala ngaashi omulonga tau tondoka, nouyuki woye ngaashi omakufikufi omefuta;

OILONGA YOVAYAPOSTOLI 10:36

Eendjovo odo e di tumina ovana vaIsrael noku va udifila eenghundana diwa dombili yomuJesus Kristus, ou Omwene waaveshe,

JESAJA 55:6

Kongeni Omwene fimbo ta monika, nye mu mu ifane manga e li popepi.

OVAHEBERI 3:13

Ndelenee kumaidafaneni keshe efiku manga tapa tiwa “nena,” paha kale nande oumwe womunye ta kukutikwa kekotokelo loulunde.

LUKAS 19:44

ndele tave ku ngumauna po fiyo okomikangha, novamwoye vomwoove, vo itava fii po emanya la londekwa kulikwao, osheshi ove ino koneka efimbo lekongo loye.”

OILONGA YOVAYAPOSTOLI 13:46

Opo nee Paulus naBarnabas ova popya nouladi tava ti: “Onye tuu ava mu nokuudifilwa tete eendjovo daKalunga; ndele nye eshi tamu di kandula po, nomwe litala inamu wapala okuya momwenyo waalushe, hano taleni, ohatu liameke kovapaani.

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

JESAJA 44:18

Vo kave shi shii, ndele kave udite ko, osheshi omesho avo okwa fifikinifwa, vaha mone ko, nomitima davo opo va kale vehe udite ko;

OVAHEBERI 3:7

Onghee hano Omhepo Iyapuki ngaashi ta ti: “Nena eli ngeenge tamu udu ondaka yaye,

OMAPSALOME 81:13

Akutu oshiwana shange, ngeno u ude nge, naIsrael, ngeno na alukile meendjila dange.

OMAPSALOME 32:6

Onghee hano omuyuki ne ku ilikane fimbo to hangika, opo ngeenge tape uya omayelu manene, ehe mu kungulule.

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

JEREMIA 13:17

Ndelenee ngeenge itamu di udu odo, ope nee omwenyo wange otau kala nokulila meholeko molwelinenepeko li fike opo, tau lili shili nomahodi otaa tondoka momesho ange, osheshi oshiwana shOmwene otashi ka twalwa moupika.

LUKAS 19:41

Ndele eshi a ehena popepi ndele ta tale oshilando, te shi lilile,

LUKAS 19:43

Osheshi omafiku otae ke uya, ovatondi voye tave ku fele omikangha ndele tave ku dingilile, ndele otave ku fininike keembinga adishe,