LUKAS 19:29 - Ombibeli Iyapuki

²⁹ Ndele opa ningwa, eshi a ehena kuBetfage naBetania komhunda ei ya ifanwa Omhunda yEemono, Ye okwa tuma ovalongwa vaye vavali

LUKAS 19:29 Referans Kwoze

MATEUS 21:17

Ndele okwe va fiya po, okwa dja mo moshilando ndele okwa ya kuBetania, ndele okwa kala ko oufiku.

OILONGA YOVAYAPOSTOLI 1:12

Ndele ova shuna kuJerusalem va dja komhunda ya ifanwa Omhunda yEemono i li popepi naJerusalem, pe noshinano shi fike pondjila yEshabata.

SAKARIA 14:4

Mefiku tuu olo eemhadi daye tadi kala ofika kOmhunda yEemono i li popepi naJerusalem kombinga yokoushilo. Omhunda yEemono tai ka tukauka pokati koushilo fiyo okouninginino, i ninge efilu linene, ndele ombinga imwe yomhunda tai ka kandukila koumbangalanhu, nombinga ikwao yomhunda koumbuwanhu.

LUKAS 24:50

Ndele Ye okwe va twala fiyo opopepi naBetania, ndele ta yelula omaoko aye, ndele okwe va nangeka noupuna.

LUKAS 22:39

Opo nee Ye okwa ya pondje ndele okwa ya ngaashi a ikilila kOmhunda yEemono, novalongwa vaye ove mu shikula.

LUKAS 21:37

Ndele Ye okwa longa ovanhu motembeli omutenya, noufiku nokwa ya a ka nangale komhunda ya ifanwa Omhunda yEemono.

LUKAS 19:37

Ndele eshi a fika popepi, ndele tava kulukile ekulukila lOmhunda yEemono, ongudu aishe yovalongwa oya hovela okuhambelela Kalunga nehafo nondaka inene, ve mu hambelelela oilonga aishe yeenghono ve i mona,

LUKAS 19:30

ndele ta ti: “Indeni momukunda winya twe u taalela, ndele ngeenge mwa i mo, otamu ka hanga mo okambulwena ka pandekwa, inaka londwa nale nande okomunhu, ka pandekululeni, nye mu ka ete oku.