LUKAS 19:17 - Ombibeli Iyapuki

¹⁷ Ndele ye okwe mu lombwela: ‘Iyaloo, omupiya ove muwa, ove eshi wa diinina ngaha mushinininini, oto pewa epangelo loilando omulongo.’

LUKAS 19:17 Referans Kwoze

LUKAS 16:10

Ou ha kala omudiinini moinini, ye omuwa nomwaai ihapu, ndele ou ke fi omuyuki moinima inini, ye ke fi omuyuki nomwaai ihapu yo.

MATEUS 25:21

Ndele omwene waye okwa tya kuye: ‘Iyaloo, omupiya ove muwa nomudiinini; ove wa li omudiinini mwaai inini, ohandi ku pe okupangela ihapu. Inda mehafo lOmwene woye.’

1 PETRUS 1:7

okupama kweitavelo leni momayeleko ku monike ku nondilo i dule oshingoldo hashi xulu po, ndelenee sha yelekwa momundilo, nokuninga ehambelelo nefimaneko noshinge meholoko laJesus Kristus.

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

1 OVAKORINTO 4:5

Hano inamu tokola sha manga efimbo inali fika, fimbo Omwene ine uya, ou ta holola ei ya holekwa momulaulu, nomadilongo omutima ote a holola; opo nee keshe umwe ota pewa epandulo laye kuKalunga.

GENESIS 39:4

Omwene waye okwa li e mu hokwa, nokwa hala a kale he mu longele, nokwe mu lenga elenga leumbo laye, ndele te mu pe oinima aishe momake aye.

1 PETRUS 5:4

Omufita omukulunhu eshi ta ka holoka, onye notamu ka pewa oshishani shefimano itashi lembe.

2 TIMOTEUS 2:10

Onghee ohandi lididimikile ashishe eshi omolwovahoololwa, opo navo yo va mone exupifo li li muKristus Jesus noshinge shaalushe.

OVAROMA 2:29

ndelenee, Omujuda washili oye ou Omujuda womeni, nepitotanda loshili oleli lomomutima, omomhepo, hapaendada, ndele ye oku nepandulo, hapovanhu, ndelenee opuKalunga.

LUKAS 22:30

mu shiive okulya nokunwa poshililo shange, nokukala omutumba komalukalwa nokutokola omapata omulongo naavali aIsrael.

OMAYELETUMBULO 27:18

Ou ta kelele omukwiyu, ye ota li yo oiimati yao. Ndele ou ta yakula omwene waye, ota ka fimanekwa.

LUKAS 19:16

Ndele wotete okwe uya mo ndele ta ti: ‘Omwene, oshimaliwa shoye osha likolifa oimaliwa omulongo.’

LUKAS 19:18

Nomutivali okwe uya mo ta ti: ‘Omwene, oshimaliwa shoye oshe likola oimaliwa itano.’