LUKAS 18:13 - Ombibeli Iyapuki

¹³ Ndele omufendelifi okwa kala ofika kokule, ye ina hala okuyelula omesho keulu, okwe lidenga ponhulo yaye ndele ta ti: ‘Kalunga, file nge onghenda, aame omulunde.’

LUKAS 18:13 Referans Kwoze

ESRA 9:6

ndele handi ti: “Kalunga kange, ondi udite nda fya ohoni ndele ihandi dulu okuyelula oshipala shange kwoove, Kalunga kange, osheshi oulunde wetu wa lunda omitwe detu, nokuvelwa kwetu ombedi taku hange keulu.

1 TIMOTEUS 1:15

Ondjovo ei oya pama shili noya wana okutambulwa nokutya: Kristus Jesus okwe uya mounyuni okuxupifa ovalunde, mwaava aame omunene ndi va dule aveshe.

OMAPSALOME 41:4

Ame onda tya: “Omwene, file nge onghenda! Akutu, velule nge, osheshi onda nyona kwoove.”

LUKAS 23:48

Nongudu aishe ya li ya ongala oku shi tala, eshi va mona eshi sha ningwa ko, ove lidenga ponhulo ndele ova shuna.

OVAHEBERI 8:12

Ohandi ke va fila onghenda omolwomanyonauno avo, nomatauluko avo itandi ke a dimbulukwa vali.”

OILONGA YOVAYAPOSTOLI 2:37

Ndelenee vo eshi ve di uda, ode va twa komitima, ndele ova tya kuPetrus nokovayapostoli vakwao: “Ovalumenhu nye ovamwatate, fye otu nokuninga ngahelipi!”

OVAHEBERI 4:16

Tu yeni hano kolukalwa lefilonghenda tu neyombamo, tu talwe nonghenda fye tu mone efilonghenda loku tu kwafa pefimbo liwa.

OVAROMA 5:8

Ndelenee Kalunga okwe tu hololela ohole yaye oku tu hola, Kristus eshi e tu fila fimbo twa li natango ovalunde.

LUKAS 5:8

Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.”

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

OMAPSALOME 25:11

Omwene, molwedina loye, kufa po etimba lange, nande olo linene.

JOB 42:6

Onghee hano handi alula eendjovo dange ndele handi lidilulula mondwi nomomute.”

2 OVAKORINTO 7:11

Taleni hano, ouladi u fike peni oluhodi eli leni lopahalo laKalunga la longa munye, nelipopilo li fike peni, noutondwe apa u fike, netilo apa li fike, nodjuulufi, nonyati, nomahandukilo e fike peni! Mwaashishe omwe limonifa, onye kamu noshipo moshinima shinya.

OMAPSALOME 25:7

Omatimba omounyasha, nomanyono ange, nowii wange ino u dimbulukwa. Dimbulukwe nge panghenda nomolwouwa woye, Omwene.

MATEUS 9:13

Ndelenee indeni mu ke lilonge kutya, eshi otashi ti shike: ‘Efilonghenda nda hala, hayambo.’ Osheshi inandi uya okwiifana ovayuki, ndelenee ovalunde ovo tuu.”

HESEKIEL 16:63

opo ove u shiive okudimbulukwa nokufya ohoni ndele ito makula vali okanya koye omolwohoni, Ame ngeenge handi ku longele ekwatakanifo omolwaaishe ei we i ningile, Omwene Kalunga ta ti.”

JESAJA 1:18

Tu yeni tu ka hokololeni Omwene ta ti: “Omatimba eni nande naa tilyane ngaashi ohonde, otaa ka toka ngaashi outokele weemhawe; nonande naa kale a tilyana pyu, otaa yela ngaashi omalududi a toka.

LUKAS 17:12

Ndele eshi e uya komukunda umwe wonhumba, ovalumenhu ovanashilundu omulongo ve mu shakeneka, ve li ofika kokule,

DANIEL 9:5

Ofye otwa nyona, twa ninga eshi inashi yuka, twa kolokosha, ndele twa lundakana, ndele twa yapuka mo moipango yoye nomeenghedimhango doye.

OMAPSALOME 130:7

Akutu Israel, teelela Omwene! Osheshi pOmwene ope nouwanghenda, nekulilo puye oli yadi po ndoo;

OMAPSALOME 119:41

Omwene, hololele nge ouwanghenda woye, nexupifo loye paudaneko loye,

OMAPSALOME 106:6

Fye nootate, atushe otwa nyona, twe livilikita ndele twa longa oidinifikalunga.

OMAPSALOME 40:12

Osheshi owii uhapu, uhe shii kuvalwa, owa kondekela nge, omanyono ange a kwata nge, ihandi dulu okumona ko; omuvalu wao ou dule eexwiki dokomutwe wange, nonyati yange oya pwa po.

2 OMAFIMBO 33:23

Ndelenee ye ine lininipika koshipala shOmwene ngaashi xe Manasse e lininipika. Ndelenee Amon okwa hapupalifa oulunde waye.

2 OMAFIMBO 33:19

Neindilo laye nanhumbi la udika, nomatimba aye aeshe neliteeko laye neenhele oko a tunga oikulundu yokuyambela nokwa dikila omiti omalupwelele aAsera noihongwafano, fimbo ine lininipika, tala, oyo oya shangwa mehepaululo laHosea.

2 SAMUEL 12:13

Ndele David ta ti kuNatan: “Ame nda nyona kOmwene!” Ndele Natan ta ti kuDavid: “Onghee hano Omwene e ku dimina po etimba loye. Ito ka fya.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

MATEUS 6:5

“Ndele ngeenge tamu ilikana, inamu kala ngaashi ovanaihelele; osheshi ve hole okukala ofika nokwiilikana meeshinagoga nopomashakeneno eendjila, va monike kovanhu. Oshili handi mu lombwele: ovo va pewa ondjabi yavo.

MATEUS 10:3

Filippus naBartolomeus, Tomas naMateus, omufendelifi; Jakob yaAlfeus, naLebbeus, edina laye limwe Tadeus;

MARKUS 11:25

Ndele nge tamu kala ofika tamu ilikana, kufilei po, ngeenge mu na sha namukweni, Xo yeni yomeulu e mu kufile po yo omatauluko eni.

LUKAS 22:41

Ndele Ye okwe likufa muvo oshinano shoule wekupulo lemanya, ndele ta tu eengolo ndele okwa ilikana

EXODUS 33:10

Ovanhu aveshe eshi va mona oluudi loshilemo la kala ofika poshivelo shetwali, ovanhu aveshe ova kala ofika ndele ve linyongamena, keshe umwe poshivelo shetwali laye.