LUKAS 17:1 - Ombibeli Iyapuki

¹ Ndele Ye okwa lombwela ovalongwa vaye: “Itashi dulika omahongaulo ehe uye, ndelenee woo, ou te a eta!

LUKAS 17:1 Referans Kwoze

MATEUS 18:7

“Woo ounyuni omolwomahongaulo! Osheshi omahongaulo e nokuuya; ndelenee woo omunhu ou ta eta ehongaulo!

1 OVAKORINTO 8:13

Onghee hano oikulya ngeenge tai pukifa omumwatate, itandi li vali ombelela fiyo alushe, opo ndiha hongaule omumwatate.

OVAROMA 14:13

Hano inatu tokolafana vali, ndele pangeleni omhangela nokuli muha tulile omumwaxo oshinima shehaulo, ile shokupundukifa mondjila yaye.

1 OVAKORINTO 11:19

Heeno, oimhanga oi nokuholoka mokati keni, opo ovo vomunye ve shii okulineekelwa va shiivike.

OVAROMA 16:17

Ndele ovamwatate, ohandi mu kumaida mu pashukile ava hava eta olutandu nomashindo okukondjifa elongo mwe li longwa; mu noku va yepa.

MATEUS 16:23

Ndelenee Ye okwa punguluka ndele ta ti kuPetrus: “Dja po pwaame, Satana. Oove omuhongauli wange, osheshi ove ito diladila osho shaKalunga, ndele osho oshovanhu.”

1 OVAKORINTO 10:32

Inamu yandja nande omuhau, nande okOvajuda ile okOvagreka ile keongalo laKalunga,

EHOLOLO 2:14

Ndelenee ondi na sha shinini naave, shaashi ou na vamwe ava hava diinine elongo laBileam, ou a longa Balak a tele ovana vaIsrael omwiyo, va lye ombelela ya yambelwa oikalunga nokuliyandja moluhaelo.

EHOLOLO 2:20

Ndelenee ondi na sha naave, shaashi ino hanyena omukainhu ou Isabel te liti omuxunganeki ndele ta longo nokuhongaula ovapiya vange ve liyandje moluhaelo nova lye oiyambwa yoikalunga.

LUKAS 16:31

Ndelenee ye okwa tya kuye: ‘Ngeenge itava udu Moses novaxunganeki, itava itavelifwa nande namu nyumuke umwe womovafi.’ ”

1 TIMOTEUS 4:1

Ndelenee Omhepo otai popi eendjovo di uditike nawa nokutya, momafiku axuuninwa vamwe otave liteeka po eitavelo, ndele tava ka shikula eemhepo dipukifi nomalongo eendemoni,