LUKAS 16:23 - Ombibeli Iyapuki

²³ Ndele mokukala mouyehame moshovafi, eshi sha yelula omesho asho, osha mona Abraham kokule naLasarus mekolo laye.

LUKAS 16:23 Referans Kwoze

2 PETRUS 2:4

Osheshi Kalunga ina xupifa ovaengeli venya va nyona, ndelenee okwe va undulila moshi mwi nokwe va efela momambulukwena omulaulu, va teelele etokolo.

LUKAS 16:28

osheshi ondi na ovamwameme ovalumenhu vatano, e va hepaululile, navo yo vaha ye monhele ei yomayehamo.’

MATEUS 23:33

Omayoka nye, noludalo leenhoka, otamu shiiva ngahelipi okuya onhapo etokolo loheli?

MATEUS 18:9

Neisho loye ngeenge tali ku hongaula, li kolola mo, ove u li ekeleshi; okuya momwenyo u neisho limwe alike okwe ku wapalela ku dule okukala nomesho avali, ndele to ka ekelwa momundilo woheli.

OMAPSALOME 9:17

Ovakolokoshi ve nokuwila moshovafi, novapaani aveshe ava va dimbwa Kalunga.

EHOLOLO 20:10

Ndele Satana ou e va pukifa okwa ekelwa mefuta lomundilo nolosulfuri, omo mu na yo oshilyani nomuxunganeki omunaipupulu, ovo tava ka hepekwa omutenya noufiku alushe fiyo alushe.

LUKAS 8:28

Ndele eshi a mona Jesus, okwa ingida mokule, ndele okwa wila poshi puye ndele ta popi pombada: “Ou na shike naame, Jesus, Omona waKalunga wOkombadambada? Ohandi ku ilikana, ino hepeka nge.”

MATEUS 5:29

Eisho loye lokolulyo ngeenge tali ku hongaula, li kolola mo, ove u li ekeleshi: osheshi okunyona po oshinhimbu shoye shimwe kwe ku wapalela, shi dule olutu loye alishe tali ekelwa moheli.

MATEUS 5:22

Ndelenee Ame ohandi mu lombwele: keshe ou ta handukile omumwaina, oye okwe lilongela ehandu letokolo, okeshe tuu ou ta handukile omumwaina ndele ta ti: ‘Oshinhu ove,’ ye okwe lilongela ehandu loshiongalele shovakulunhu; naau ta ti: ‘Elai ove,’ oye okwe lilongela omundilo woheli.

JESAJA 14:15

Heeno, ove to ka undulilwa moshovafi, monhele yombwili yomokule!

JESAJA 14:9

“Oshovafi otashi tu tukulukile molwoye nosha shakeneka okuuya kwoye; oshe ku pendulila oilulu, oikombo aishe yokedu, tashi lombwele eehamba adishe doilongo di fikame komalukalwa ado.

1 OVAKORINTO 15:55

Efyo, efindano loye oli li peni? Efyo, oshitwifo shoye oshi li peni?”

MATEUS 11:23

Naave yo Kapernaum, oto ka lengwa fiyo omeulu? Ahowe, oto ka kulukila fiyo omoshovafi! Osheshi ngeno muSodom mwa li mwa ningilwa oilonga ei yeenghono ya ningilwa mwoove, ngeno oko shi li nopaife.

MATEUS 8:29

Ndele tala, ova ingida va tya: “Ove wa hala shike mufye, Oove Omona waKalunga? Owe uya oku tu hepeka efimbo manga inali fika?”

OMAYELETUMBULO 15:24

Ondjila yomwenyo yomunaendunge tai twala pombada, onghee hano ta dulu okukukuma oshovafi shokoshi.

OMAYELETUMBULO 9:18

Ndelenee ou ke shi shii nokutya, oko oku na oilulu, novashivwa vakwao ve li mokule moshovafi.

OMAYELETUMBULO 7:27

Meumbo laye tamu di eendjila domoshovafi, odo tadi kulukile meenhele defyo.

OMAYELETUMBULO 5:5

Eemhadi daye tadi kulukile mefyo, neenghatu daye tadi twala moshovafi.

OMAPSALOME 86:13

Osheshi ouwanghenda woye we u ningila nge, ounene; Ove wa xupifa omwenyo wange moshovafi.

OMAPSALOME 49:15

Ndelenee omwenyo wange, Kalunga ote u kulile mo mepangelo lomoshovafi; osheshi Oye omukombeleli wange. Sela

OMAPSALOME 16:10

Osheshi omwenyo wange Ove ito u efele moshovafi nomuyapuki woye ito mu efa a mone eolelo.

LUKAS 16:24

Ndele ye okwa ingida a tya: ‘Tate Abraham, file nge onghenda, ove u tume Lasarus a yaveke oxulo yomunwe waye momeva, ye a talaleke elaka lange, osheshi ame ndi li mo handi yehamekwa nai momutemo ou.’