LUKAS 15:16 - Ombibeli Iyapuki

¹⁶ Ndele okwa hala okukutifa edimo laye nomahakashala omakunde aa haa liwa koingulu, ndele ine a pewa nande okomunhu.

LUKAS 15:16 Referans Kwoze

HOSEA 12:1

Efraim a dingilila nge noipupulu neumbo laIsrael nomakengelelo. Juda yo ke nekwatafano naKalunga, omuyapuki, ou omudiinini.

OMAIMBILOKEMO 4:5

Ava va lya eendja dinyenye, ova pundila po momapandavanda. Ava va djala oikutu itilyana, otava papatele oshala.

JESAJA 44:20

Oye ou a hokwa omute, okwa hongaulwa komutima wa pukifwa, ye ita xupifa omwenyo waye, ndele ita ti: “Meke lange lokolulyo kamu na nande oipupulu?”

OMAPSALOME 142:4

Eshi handi tale kolulyo nda vandavamena mominghulo: nghi wete nande omunhu, e na naame. Nghi na apa handi ningine nande, kape na ou, ta yavele nge.

JESAJA 57:3

Ndelenee nye ileni oku, onye ovana vomukainhu omhule, onye oludalo lomuhaeli noshixwanga.

JESAJA 55:2

Oshike tamu yandje oimaliwa apa pehe na eendja? Neliko loilonga yeni tamu li yandjele oinima ihai kutifa? Pwilikinei nge hano, nye mu lye ounyenye, neemwenyo deni nadi hepuluke pomaadi.

OMAPSALOME 73:22

ngeno ondi mulai shili, ndihe na nande eendunge, nda fa oshimuna shongaho koshipala shoye.

MATEUS 7:6

“Oshiyapuki inamu shi yandja keembwa, noilanda yeni inamu i ekela koingulu, opo efiku limwe ihe mu lyate nomakondo ayo, ndele tai aluka ndele tai mu pombaula.

LUKAS 15:15

Okwa ya ko ndele okwe litula poshipuna shoshilongo shinya. Ye okwe mu tuma momaluxwa aye okulifa oingulu.

LUKAS 15:17

Opo nee e lialuluka, ndele ta ti: ‘Ovapiya vatate vahapu ve fike peni ve noikulya ya wana, ndele ame ohandi fi ondjala.

JOB 30:4

vo ohava toola po oimeno ilula poixwa, neendja davo odo omidi doshixwa shaGinster.