LUKAS 15:13 - Ombibeli Iyapuki

¹³ Ndele inapa pita nee omafiku mahapu, omona ou munini okwa ongela oinima yaye aishe, ndele okwa ya koshilongo shokokule, ndele okwa hanaunina ko emona laye nokukala moulunde.

LUKAS 15:13 Referans Kwoze

JEREMIA 2:5

Omwene ota ti ngaha: Ooxokulu ova mona owii washike mwaame, eshi ve liteeka nge va ya kokule, ndele va shikula oikalunga yongaho ndele voovene va ninga vongaho?

OMAYELETUMBULO 29:3

Omulumenhu e hole ounongo, ota hafifa xe. Ndelenee ou ta endafana neembwada ota nyono po emona laye.

OMAYELETUMBULO 21:17

Ou e hole oitelekela, ota ka hangika keemhumbwe. Ou e hole omaviinyu nomaadi, ita ka ninga oshipuna.

OMAYELETUMBULO 28:7

Ou ta diinine omhango, ye omumati omunaendunge. Ndelenee ou ha kala movahanauni, ota fifa xe ohoni.

LUKAS 16:19

“Ndele okwa li ku nomulumenhu oshipuna a djala oikutu itilyana naai itoka iwa, ndele okwa nyakukwa omafiku aeshe mewano loinima yaye.

LUKAS 16:1

Ndele Ye okwa lombwela ovalongwa vaye: “Okwa li ku na omulumenhu oshipuna shi nomukeleli weumbo lasho, a popiwa ta hanauna po emona lasho.

LUKAS 15:30

Ndelenee omona woye oo a manena po emona loye meembwada, eshi e uya, ove owe mu tomena onhana inya ya ondoka.’

MIKA 6:3

Onde ku ninga shike, ove oshiwana shange, nonde ku lolokifa nashike? Nyamukule nge hano!

JEREMIA 2:31

Akutu, oludalo nye, pwilikineni ondjovo yOmwene! Aame ombuwa kuIsrael vati, ile edu lomilaulu? Omolwashike hano ovanhu vange tava ti: ‘Fye hatu lipangele fye vene, itatu uya vali kwoove.’

JEREMIA 2:13

Osheshi ovanhu vange ova nyona pavali: Ove liteeka nge nande Aame ofifiya yomeva omwenyo, ndele vo ve lixupila omifima da tenda omifya, dihe shii okukala omeva.

JESAJA 56:12

Otava ti: “Ileni, ohandi mu etele omaviinyu, tu kale nokufinyuna, efiku lomongula li kale ngaashi eli lonena, li kale la wapala unene.”

JESAJA 30:11

fiyei po ondjila, yapukeni melila, Omuyapuki waIsrael na dje mo moipafi yetu!”

JESAJA 22:13

Ndelenee tala, omu na ehafo nenyakuko, omatomo eehove nomadipao eedi, okulya ombelela nokunwa omaviinyu, tava ti: “Tu lyeni, fye tu nweni, osheshi mongula ohatu fi.”

JESAJA 1:4

Woo, oshiwana shovalunde, ovanhu vomatimba mahapu, noludalo laava ihava udu ko, ounona ovanyoni. Ova efa Omwene, va dina Omuyapuki waIsrael ndele ve mu pilamena.

OMAYELETUMBULO 27:8

Ngaashi okadila oko taka tukatuka noshihadi shako, osho yo omulumenhu ou ta elaela kokule neumbo lavo.

OMAYELETUMBULO 21:20

Emona li nondilo nomaadi e li meumbo lomuyuki, ndelenee omunhu omushima te a mane po.

OMAYELETUMBULO 18:9

Ou e nounye moilonga yaye, ye omumwaina womuhanauni.

OMAYELETUMBULO 6:26

Osheshi molwombwada okamungome taka kanifwa, nomukainhu a hombolwa ta yulu omwenyo u nondilo.

OMAPSALOME 73:27

Osheshi osho oshili: ou te likalele ehe li mwoove, ota nyonauka po; keshe tuu ou, ta amuka kwoove, oto mu kombo po sheke.

2 PETRUS 2:13

ndele tava ka pewa ondjabi youhenouyuki wavo. Ove udite ounyenye mokukala moumbwada efiku alishe, ovo omalopyolopyo ohoni nomadiko ekako; ove udite ounyenye momakoto avo eshi hava kala moivilo pamwe nanye.

OVAEFESO 2:17

Ndele Ye okwe uya oku mu udifila ombili, onye ava mwa li kokule, nombili kwaava vopopepi;

OVAEFESO 2:13

ndelenee paife eshi mu li muKristus Jesus, nye ava mwa li vokokule mwa ninga vopopepi omohonde yaKristus.

LUKAS 15:12

Ndele ou munini okwa tya kuxe: ‘Tate, pe nge ombinga ei yeliko ndi noku i pewa’. Ye okwe va tukulila emona laye.

LUKAS 15:14

Ndele eshi a mana po aishe, oshilongo shinya osha hangika kondjala inene, ndele ye okwa hovela okuhepa.