LUKAS 14:21 - Ombibeli Iyapuki

²¹ “Ndele omupiya okwa aluka ndele okwa hepaululila omwene waye adishe, ndele mwene weumbo okwa handuka, ndele ta lombwele omupiya waye: ‘Endelela, inda keendjila nokomalila oshilando, ove u ka ete mo oingudu neehepele novapofi noilema.’

LUKAS 14:21 Referans Kwoze

LUKAS 14:13

Ndele ngeenge to pake po oitelekela, ifana ovakwanaluhepo noingudu noilema novapofi.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

JOHANNES 9:39

Opo Jesus okwa tya: “Ame onde uya mounyuni ou okuninga etokolo. Ava ihava mono ko, va mone ko. Naava hava mono ko, va twike.”

LUKAS 14:24

osheshi ohandi mu lombwele, kape na nande umwe womovalumenhu venya va ifanenwe ta makele oitendele yange.’ ”

JESAJA 35:6

Mefiku olo oshingudu otashi ka nhuka ngaashi omenye nelaka laau ha kokoma, otali imbi nokukuwilila, osheshi mombuwa omwa fituluka omeva, nomilonga otadi tondoka mofuka.

OVAHEBERI 2:3

hano fye ohatu i ngahelipi onhapo, ngeenge hatu dini exupifo linene li fike apa, la udifwa tete kOmwene ndele la pamekwa kwaava ve li uda, ndele tave li fikifa kufye,

1 SAMUEL 2:8

Mondwi Ye ota yambula omufyoona ndele ta lenge omukwanaluhepo moshala shomute, vo va kale omutumba peehamba, va fyuulule olukalwa lado lefimano. “Osheshi eengudi dedu odo dOmwene, ndele kombada yado Ye okwa dika ounyuni.

EHOLOLO 22:17

Omhepo nomuvalekwa otava ti: “Ila!” Naau te shi udu, na tye: “Ila!” Naau ta fi enota, ne uye, naau a hala, na tambule omeva omwenyo oshali.

EHOLOLO 19:15

Ndele mokanya kaye omwa dja eongamukonda la twa, okudenga nalo oiwana; Oye te i lifa nodibo yoshivela, ndele ta kolo nokulyata oshikolelo shomaviinyu oupyuhandu waKalunga Omunaenghono adishe.

OVAHEBERI 13:17

Shikuleni ovakwatelikomesho veni, nye mu dulike kuvo, osheshi ovo hava pashukile eemwenyo deni ngaashi ovo tave ke di pulwa, opo ve shi ninge nehafo, hanokukema, osheshi osho itashi mu wapalele.

LUKAS 24:47

ndele medina laye elidilululo nedimepo lomatimba oli nokuudifilwa oiwana aishe nokuhovela muJerusalem.

MATEUS 11:28

“Ileni kwaame, nye amushe hamu longo nomwa lolokifwa, Ame ohandi mu pe etulumuko.

JESAJA 33:23

Ndelenee paife, eengodi doye oda yululuka, inadi kwata vali oitingudi yado, noitadi yelula vali epandela. Ndelenee mefiku olo oixuulwa ihapu yokoita otai ka hakanwa, noingudu yo otai hakana nokutinha shihapu.

LUKAS 9:10

Opo ovayapostoli va aluka ndele ove mu hepaululila aishe ei ve i longa. Ye okwa ya navo mouwike popepi noshilando shaBetsaida.

MATEUS 18:31

Ndele ovapiya vakwao eshi va mona eshi sha ningwa po, ova nyika oluhodi shili, ndele va ka hepaululila omwene wavo oinima ei aishe ya ningwa ko.

MATEUS 15:12

Opo ovalongwa vaye ve uya kuye ndele tava ti: “Ou shi shii tuu kutya Ovafarisai eshi va uda eendjovo odo, ova ninga omwenyo mwii?”

SAKARIA 11:11

Ndele mefiku tuu olo oya teywa. Ndele osho hano eenghwanaluhepoelela mokati keedi edi de lineekela nge, oda shiiva, nokutya oyo oya li ondjovo yOmwene.

SAKARIA 11:7

Ndele nda lifa eedi tadi dipawa, eedi da hepelela shili. Ame onda kufa eenhaili mbali. Imwe nde i luka Ounyenye. Naikwao nde i luka Ekwatafano, ndele Ame nda lifa eedi.

JEREMIA 5:1

Indeni momapandavanda aJerusalem, mu tale nye mu kundane nokupulapula momapandavanda avo, ngeenge tamu mono mo umwe, ngeenge mu na nando umwe ta wanifa ouyuki ndele ta kongo oshili, opo nee ohandi shi file onghenda.

1 SAMUEL 25:12

Opo nee ovamati vaDavid va shuna nondjila yavo, va ya ndele ve uya ndele tave mu lombwele eendjovo adishe odo.

OMAPSALOME 38:7

Eenho dange oda fulila tadi pi, nomolutu lange kamu na nande onhumba itai vele.

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

LUKAS 14:20

Nomukwao vali okwa tya: ‘Ame onda hombola, onghee itandi shiiva okuya ko.’ ”

LUKAS 14:22

Ndele omupiya okwa tya: ‘Omwene, onda wanifa eendjovo doye, ndele natango ope nonhele.’

MATEUS 20:7

Ovo tava ti kuye: ‘Osheshi kaku na ou e tu shiva.’ Oye ta ti kuvo: ‘Nanye yo indeni kepya lange lomiviinyu, ndele tamu mono eshi sha yuka.’